Русија синоќа повторно изврши ракетен терор врз градовите во Украина. Во Уман има мртви и ранети лица, уништени станбени згради. Во Днипро,руското артилериско гранатирање ги одзеде животите на мајка и 3-годишно дете.
Како резултат на ракетен напад врз Уман, регионот Черкаси, оштетени се околу 10 станбени блокови. Во еден од нив е уништен целиот дел.
Спасувачите веќе ги извадија телата на 14 жртви од урнатините на делот од станбен блок уништен од руски проектил во Уман.
„Уман: телата на уште две лица штотуку се извадени од урнатините Досега во напад на станбен блок загинаа 14 лица“, информираат од прес-службата на МВР.
Како што претходно истакна министерот за внатрешни работи Ихор Клименко, на местото на настанот е поставен штаб и шатори, каде граѓаните од соседните куќи и од куќата што најмногу настрада може да чекаат додека локалните власти да им обезбедат засолништа.
„Во моментов локалната самоуправа им обезбеди храна на сите. Има и телефонска линија на која можат да контактираат роднините и пријателите на нашите граѓани кои живееле во оваа и во другите куќи погодени во оваа област“, ја цитира прес-службата на министерството.
Претходно Клименко објави дека, според прелиминарните податоци, во уништениот дел живееле 109 лица. Спасувачите ги извадија телата на десет жртви. Седумнаесет луѓе беа спасени, меѓу кои и три деца. Девет преживеани добиваат медицинска помош.
Како што е соопштено, Русите синоќа истрелале 23 крстаречки ракети кон Украина, од кои 21 биле уништени од единиците за противвоздушна одбрана. Украина исто така беше нападната од воздух со два летала – тие беа соборени во регионот на Кијив.
Украинската амбасадорка во Земјава, Лариса Дир за Цивил Медиа изјави: 429 ден.од целосната руска агресија. Државата-терорист и членка на ОБСЕ, рф вечерва повторно ја нападна Украина. Во Уман има мртви и ранети лица, уништени станбени згради. Во Днипро, артилериско гранатирање ги одзеде животите на мајка и 3-годишно дете. F-16 кои ќе помогнат да се заштити Украина од руските убијци.
Украинскиот претседателот Володимир Зеленски, на Телеграм објави дека има останато луѓе под урнатините.
Синоќа непријателот повторно ја нападна Украина со проектили и беспилотни летала. Терористите гаѓаа цивили и објекти. Ракетен напад врз Уман оштети околу 10 станбени згради. Целиот блок на еден од нив е уништен. Луѓето се уште се заробени под урнатините. За жал, има жртви, меѓу кои и едно дете. Во Днипро, гранатирањето на терористите го одзеде животот на едно дете. Сочувство до сите што ги загубија своите најблиски поради рускиот терор!
Тој се заблагодари на воздухопловни сили, на противвоздушни топџии, на сите што помагаат да се надминат последиците од непријателските напади, на сите што го штитат украинскиот народ.
Овој руски терор мора да се соочи со фер одговор од Украина и од светот. И тоа ќе биде. Секој таков напад, секое злодело врз нашата држава и народ ја приближува терористичката држава до неуспех и казна, а не обратно, како што мислат. Нема да заборавиме никакво злосторство, нема да дозволиме ниту еден напаѓач да избегне одговорност.
Д. Мишев
