Владата на вчерашната 55. седница ја разгледа и усвои „Стратегијата за реформа на јавната администрација 2018-2022 година“ и го прифати Акцискиот план за спроведување на стратегијата.
Како што се наведува во соопштението од Владата, реформата во јавната администрација во поширока смисла значи реформа во приоритетни области, креирање на политики и координација, јавна служба и управување со човечки ресурси, одговорност, отчетност и транспарентност, јавни услуги и ИКТ поддршка на администрацијата, како и во управувањето со јавните финансии.
Посочуваат дека еден од главните стратешки приоритети на Владата се однесува на создавањето стручна и ефикасна, отчетна и транспарентна администрација која ќе обезбеди квалитетни услуги за граѓаните и бизнис-секторот и ќе ги заштити нивните права.
На денешната седница, Владата ја разгледа и информацијата за Предлог Стратегијата за информатичко-комуникациска технологија во правосудство.
Со спроведувањето на ИКТ решенија и системи во согласност со европските и меѓународните стандарди, целта, како што се наведува во соопштението, ќе биде да се зголеми пристапноста, навременоста и лесното користење на правосудните услуги за сите корисници, да се подобри квалитетот на податоците, заштитата и безбедноста, како и соработката со други правосудни системи, институциите на Европската Унија, нејзините земји-членки и меѓународните организации.
извор: МИА
Содржините кои ЦИВИЛ ги презема од други извори не подлежат на лиценцата Creative Commons 1.0, инаку вообичаена за содржините кои ги објавува оваа медиумска платформа. Ве молиме, консултирајте се со изворот за преземање на таквите содржини.