Мајкл Вулф автор на контроверзната книга „Оган и бес:Во Белата куќа на Трамп“, верува дека неговата книга ќе предизвика крај на мандатот на американскиот претседател. Во книгата, Вулф остро го критикува Трамп за време на првата година од неговиот мандат.
Во изјава за Би-Би-Си вели дека негов заклучок е дека Трамп не е подобен за таа функција и оти тоа станува се пораширено мислење.
Тој тврди дека книгата постигнала ефект „Царот е гол“ од царевото ново одело.
– Ненајдено, сите зборуваат:- Навистина, нема одело, вели Вулф.
Во книгата ја опишува Белата куќа како „хаотична“ и тврди дека Трамп во 2016 година бил лошо подготвен за победата и дека соработниците се потсмеваат со неговите способности.
Трамп отфрли наводи од книгата нарекувајќи ги бесмислени лаги.
– Вулф е тотален губитник кој измислува приказни за да ја продаде својата досадна и невистинита книга, напиша Трамп на Твитер.
извор: МИА
Содржините кои ЦИВИЛ ги презема од други извори не подлежат на лиценцата Creative Commons 1.0, инаку вообичаена за содржините кои ги објавува оваа медиумска платформа. Ве молиме, консултирајте се со изворот за преземање на таквите содржини.
Одговорноста за редакциското опремување на текстовите (наслов, наднаслов, фотографија, тагови) е на ЦИВИЛ Медиа.