Марјан Забрчанец во објава на социјалните мрежи прашува: Дали “иницијативите” на Мицкоски за меѓународна верификација на македонскиот јазик и идентитет се обична фарса која е однапред осмислена да заврши со неуспех?
Во прилог Забрчанец презентира неколку објави на „дел од верификациите, потврдите, впишувањата, заверувањата на македонскиот идентитет и јазик во периодот 2017 – 2024“.
– 17.06.2018 – Република Македонија и Република Грција го потпишаа Договорот од Преспа со кој се потврдува македонскиот јазик и идентитет. Според членот 7 од Договорот, македонскиот идентитет ги отсликува нашата територија, јазик, народ, со сите атрибути, со своја историја, култура и наследство. Според членот 1 (3) од Договорот, официјален јазик на нашата држава е „македонски јазик“ кој е преведлив на сите јазици (на пример, на англиски јазик „Macedonian language“). Без никаква фуснота со дообјаснување. Македонскиот јазик е потврден – идентитетот е зачуван
– 2019 – При промената на уставното име, Обединетите Нации го потврдуваат македонскиот јазик како единствен официјален јазик за меѓународна употреба, во личната карта на Република Северна Македонија
– 07.2022 – Усвоена е прговарачката рамка меѓу МК и ЕУ, јазикот јасно именуван како македонски
– 28.07.20222 – Официјално регистриран Центарот за македонски јазик во Грција“
– 26.10.2022 – Потпошан е Фронтекс – Прв договор меѓу Северна Македонија и Европската Унија потпишан на македонски јазик
– 19.03.2023 – Основниот суд во Лерин фицијално одби повеќе барања/тужби за поништување на првичната одлука за одобрување на барањето за неговата регистрација
– 15.06.2023 – Бундестагот ја изгласа резолуцијата за поддршка на македонскиот јазик, култура и идентитет
– 09.2023 – Мичиген и Илиноис го прогласија септември за месец на македонскат култура во САД
– 17.06.2024 – Нимиц: “Посебноста на македонскиот јазик е светски призната и потврдена, не може да се преговара за нечиј идентитет”, пишува Забрчанец.
Премиерот Христијан Мицкоски денеска на прес-конференција во Владата одговарајќи на новинарско прашање за објавите во бугарските медиуми дека трите најголеми политички сили во Европскиот парламент се согласиле да ги отстранат термините „македонски идентитет“ и „македонски јазик“ од нацрт-извештајот за напредокот на земјава истакна дека на талибански начин се бришат македонскиот идентитет и македонскиот јазик од Ивештајот на ЕП.
На ова реагираше и СДСМ
СДСМ го обвинува премиерот Христијан Мицкоски, дека е директно одговорен за, како што велат, „бришењето на македонскиот јазик“ од извештајот на Европскиот парламент и за повторното отворање на прашањето за јазикот на Македонија во европските институции.
„Најголем непријател на македонскиот јазик, култура и идентитет е Христијан Мицкоски,“ се наведува во соопштението на СДСМ.
Според објавата на бугарската агенција БГНЕС трите најголеми политички сили во ЕП, Европската народна партија (ЕНП), Прогресивниот сојуз на социјалистите и демократите (С&Д) и Обнова се согласиле да ги отстранат термините „македонски идентитет“ и „македонски јазик“ од нацрт-извештајот за напредокот на земјава, кој треба да се гласа на пленарната седница на ЕП на 8 јули, а информацијата на Фејсбук ја потврди и бугарскиот европратеник Андреј Ковачев.
Преземено од Фронтлајн / Ј. Ѓ.
