Осмислени преговори за мир, за безбедност за нас, за Украина – се единствената шанса Русија да ја намали штетата од сопствените грешки.
Време е да се сретнеме. Време е за разговор. Време е да се врати територијалниот интегритет и правдата за Украина. Во спротивно, загубите ќе бидат толку огромни што неколку генерации нема да бидат доволни за да се повратат.Украинскиот претседател Володимир Зеленски изјави дека е време да се стави крај на војната што Русија ја започна против Украина, изјави рано утрово Претседателот на Украина Володимир Зеленски во видео обраќањето кое го сподели на Фејсбук.
Во обраќањето, Зеленски потенцира: „Мораме да ставиме крај на оваа војна. Предлозите на Украина се јасни.
Во истото видео обраќање, Зеленски одговори на појавувањето на неговиот руски колега Владимир Путин на стадионот во Москва со своја мрачна порака. Зеленски го спореди преполниот стадион во Москва со руските загуби од почетокот на руската инвазија во Украина.
Еден ден по појавувањето на рускиот претседател Владимир Путин, кој ја пофали „специјалната воена операција“ во Украина како „херојска“ мисија на руската армија за време на патриотскиот митинг на стадионот Лужники во Москва пред десетици илјади расположени Руси, Зеленски во своето видео ображање рече дека 100.000 луѓе пред стадионот, заедно со 95.000 во самата арена одговараат наприближниот број на руски војници кои влегле во Украина..
Зеленски во обраќањето уште еднаш повика на итен прекин на конфликтот. „Војната мора да заврши, предлозите на Украина се на маса“.
Товарот за нашата одбрана, за нашиот народ, ќе биде увезен во Украина толку лесно колку што дозволуваат законите на физиката.
Ја отстрануваме апсолутно сета бирократија, сите хартии, а исто така и ДДВ-то, давачките, сите царински плаќања.
Целта е апсолутно јасна – човечкиот фактор да не ја попречува брзината на снабдување со производи. Тие се многу неопходни во моментов.
Претседателот на Врховната Рада на Украина, Руслан Стефанчук и соодветните комисии работат на тоа нашите пратеници да ги поддржат новациите. Нагласувам дека ова е одлука која е неопходна за одбрана, за одржување на нормален живот за време на воена состојба.
И сакам да ги советувам некои пратеници да не шпекулираат по ова прашање. Ова е за нашата држава. Не за власта или опозицијата. Сите ние мора да работиме во единство за нашата Украина, за нашиот народ. Ќе правиме публицитет по победата.
Уште една важна област на владината работа е помагањето на Украинците кои биле принудени да ги напуштат своите домови поради воени дејствија.
Му наложив на Кабинетот на Министри да развие сеопфатна програма за поддршка на таквите луѓе, нашите граѓани. Сите што поради војната беа лишени од дом. Веќе ги имаме контурите на оваа програма. Првата компонента е финансиска. Државна поддршка за сите раселени лица. Возрасни и деца. Владина поддршка за работни места за такви луѓе – каде што се наоѓаат привремено. За секој човек, за секое семејство да има основа за живот.
Втората компонента е станбена. Владата во моментов подготвува конкретни предлози за обезбедување живеалишта за ВРЛ. И, исто така, организира реконструкција на уништените живеалишта по војната.
Третата компонента не е помалку важна. Ова е поддршка на семејствата кои вдомиле луѓе од области на воени дејствија или од привремена окупација. Минимум ќе им бидат вратени трошоците за комуналии поврзани со престојот на раселени лица.
Премиерот на Украина Денис Шмигал наскоро ќе ги објасни сите детали од ваквата сеопфатна програма за поддршка на нашите граѓани.
Формиран е координативен штаб кој ќе ги регулира сите прашања поврзани со испораката на хуманитарна помош за Украина. Под претседателство на шефот на Кабинетот на Претседателот Андриј Јермак, се одржа средба со украинските Амбасадори за интензивирање на испораката на хуманитарни производи во Украина, пред се за помош на внатрешно раселените лица.
Исто така, и наложив на Владата заедно со Меѓународниот комитет на Црвениот крст да им пружи помош на оние наши граѓани кои по 24 февруари се нашле во странство и имаат потреба од вниманието на нашата држава и меѓународните организации.
Денеска во Украина имаше седум хуманитарни коридори. Шест – во Сумската област, еден – во Донецката област. Повеќе од 9.000 луѓе беа евакуирани од блокираниот Мариупол.
Вкупно, повеќе од 180.000 Украинци се спасени за време на хуманитарните коридори. Беа испорачани стотици тони основни производи.
Но, окупаторите продолжуваат да го блокираат снабдувањето со хуманитарни производи во повеќето правци до опколените градови. Ова е совршено свесна тактика. Тие имаат јасна наредба да направат апсолутно сè за хуманитарната катастрофа во украинските градови да биде „аргумент“ на Украинците да соработуваат со окупаторите.
Ова е воено злосторство. Тие ќе одговораат за ова. 100%. Секоја руска фигура која дава такви наредби и секој руски војник што извршува такви наредби, ќе биде идентификувана. И ќе добие задолжителен билет во еден правец до Хаг. Во градот каде што се наоѓа Меѓународниот кривичен суд.
Жителите продолжуваат да се извлекуваат од урнатините на драмскиот театар уништен од окупаторите во Мариупол, каде што цивилите се криеја од руските гранатирања и бомби. Повеќе од 130 се веќе извлечени. Има тешко повредени. Но, во моментов нема информации за загинати.
Благодарение на храброста и професионалната обука на украинските Вооружени Сили, окупационите сили беа запрени во речиси сите правци.
Тешки борби во Харкивската област – особено тешки во близина на Изјум. Руските војници веќе исфрлија луѓе од центрите за обука таму. Апсолутно неподготвен контингент. Луѓе кои не можат да издржат ни половина час во битка.
Кијивската област, Сумската област, Чернигивската област, на југот на нашата држава – армијата ги запре окупаторите. Првичниот план на руската војска да ја заземе нашата држава пропадна. И се чини дека не знаат што друго може да се направи со нас. Се чини дека нивните воени команданти не се во состојба да му понудат на своето политичко раководство ништо друго освен сурова и погрешна тактика да не исцрпат нас, да ја исцрпат Украина. Покрај постојаните удари врз цивилното население, врз мирните градови, врз луѓето, врз децата, со ракети, воздушни бомби, гранатирањето од „Град“, „Ураган“. Ништо друго освен уништување на невоената инфраструктура – домови, болници, училишта, цркви.
Но, оваа тактика на нивната војска само ја влошува ситуацијата за руската држава.
Води до сè попогубни санкции. Ги охрабрува новите членови да се приклучат на нашата антивоена коалиција. Тоа ни овозможува да ги обединиме дури и оние држави кои секогаш се обидувале да останат неутрални за да извршат притисок врз Русија.
Затоа, преговорите за мирот, за безбедноста за нас, за Украина – сеопфатни, чесни и без одлагање – се единствената шанса Русија да ја намали штетата од сопствените грешки.
Секогаш сме инсистирале на преговори. Секогаш сме нуделе дијалог, нудевме решенија за мир. Не само за време на 23 дена инвазија.
И сакам сите да ме слушнат сега, особено во Москва. Време е да се сретнеме. Време е за разговор. Време е да се врати територијалниот интегритет и правдата за Украина. Во спротивно, загубите на Русија ќе бидат такви што нема да имате неколку генерации за издигнување.
Во Москва денеска се слушнаа многу зборови во врска со годишнината од заземањето на Крим. Се одржа голем митинг. И сакам да обрнам внимание на еден детал. Се известува дека на митингот во руската престолнина учествувале вкупно околу 200.000 луѓе. 100.000 на улица, околу 95.000 на стадион.
Приближно ист број руски војници беа вклучени во инвазијата на Украина.
Замислете само дека на тој стадион во Москва има 14.000 трупови и уште десетици илјади ранети и осакатени. Веќе има толку многу руски загуби од оваа инвазија.
Ова е цената на војната. Нешто повеќе од три недели. Војната мора да заврши.
Предлозите на Украина се на маса.
Во наредните денови ќе продолжам да апелирам до народите во светот да повикуваат на мир за Украина. Претстои мојот апел до Швајцарците, до народот и до државата.
Планирани се и настапи во Израел, Италија и Јапонија. Светот ја слуша позицијата на Украина. Светот ги поддржува нашите бранители, бранителите на Украина.
Денес сакам да ја изразам мојата искрена благодарност до секој бранител на нашиот силен Мариупол. Нашиот херојски град, кој го доживува најголемиот тест во својата историја, во историјата на Украина.
36-та посебна морска бригада.
501-от посебен марински баталјон.
1- от посебен марински баталјон.
12-та бригада на Националната гарда.
И посебен одред за специјална намена „Азов“.
Благодарен сум му на секој еден од сите наши бранители на Мариупол. Благодарен сум му на секој и секоја што ја бранат Украина.
Исто така, на барање на Врховниот командант на Вооружените Сили на Украина одлучив да ја доделам титулата Херој на Украина:
На полковникот Барањук Володимир Анатолијович, командант на 36-та посебна морска бригада.
И на мајорот Прокопенко Денис Генадиевич, командант на посебниот одред на специјалните сили „Азов“. За храброст, за ефективни акции за одбивање на непријателски напади, за одбрана на градот херој Мариупол.
Слава на сите наши херои!
Слава на Украина!” – вели во своето видео обраќање претседателот Володомир Зеленски