Украинското знаме веќе е подигнато во областа Лиман во Доњецката област, иако борбите се уште траат во градот, изјави украинскиот претседател Володимир Зеленски во своето видео обраќање.
„Украинското знаме веќе е во Лиман, регионот Доњецк. Таму се уште траат борбите. Но, таму нема трага од псевдореферендум“, рече Зеленски.
Според неговите зборови, оваа недела во источна Украина се појавиле повеќе украински знамиња, а нивниот број ќе се зголемува.
Според претседателот на Украина, Русите веќе почнале меѓу воената команда да бараат некого за нивната загуба.
„Ова е првото ѕвоно што треба да се слушне на сите нивоа на руската влада. Додека сите не го решите проблемот со тој што го започна сето тоа, кој ја започна оваа бесмислена за Русија војна против Украина, ќе бидете убиени еден по еден, претворени во жртвени јарци, за да не признаете дека оваа војна е историска грешка за Русија, “, истакна Зеленски.
Покрај тоа, шефот на државата нагласи дека Украина ќе ги врати сите свои територии, вклучувајќи го и Крим.
Украинското Министерство за одбрана на Твитер објави дека „Украинските сили навлегуваат во Лиман во регионот на Доњецк“во видео на кое се гледа како припадниците на 81-та воздухопловна бригада и Националната гарда ги соборуваат непријателските, односно руските знамиња во центарот на градот.
The city center of Lyman today.
Servicemen of the 81st Airborne Brigade and National Guard tore down the enemy’s flags. pic.twitter.com/5w2DpSfqId— Defense of Ukraine (@DefenceU) October 1, 2022
Предходно, украинското Министерство за одбрана потврди дека украинската војска ги опколила руските војници во областа Лиман во Доњецк.
„Вооружените сили на Украина ослободија пет населби во близина на Лиман. Руската групација е опколена“, се наведува во извештајот.
Министерството, исто така, објави видео на Твитер, на кое се гледа како украинската војска крева национално знаме на знакот на споменикот на Лиман.
Ukrainian Air Assault Forces are entering Lyman, Donetsk region. #UAarmy has and will always have the decisive vote in today’s and any future “referendums”. pic.twitter.com/gGIIk9rNkG
— Defense of Ukraine (@DefenceU) October 1, 2022
Шефот на регионалната воена управа на Луганск, Серхи Хаидаи, претходно изјави дека деокупацијата на регионот Луганск ќе започне со ослободувањето на Лиман од руските освојувачи. Според неговите зборови, над 5.000 руски војници биле опколени во Лиман.
Подготви: Д.Мишев
