Зеленски за руските напади со дронови врз Украина: Русија одговара на предлозите за примирје со обновено гранатирање

Претседателот Володимир Зеленски изјави дека преку ноќ Русите употребиле 170 беспилотни летала против Украина, од кои повеќе од сто Шахед. Тој, во објавата на Телеграм, нагласи дека како одговор на предлозите за примирје, Русија спроведува нови напади, пренесува Укринформ.

„Сега во Одеса, урнатините сè уште се расчистуваат од куќата што беше погодена од руски дрон. Во градот имаше многу пожари ноќе. Вкупно, 21 дрон ја нападнаа Одеса. За жал, има жртви. Мое сочувство до семејствата и пријателите. На сите жртви им е пружена потребната помош. Одеса, Кијив, Суми, Кропивница и нејзиниот регион, Харкивски и Черкаски региони исто така беа нападнати ноќе. Во Харковскиот регион, спасувачите сè уште се борат со пожар. Само синоќа Русите употребија 170 дронови против Украина, од кои повеќе од сто беа Шахедски“, рече Зеленски.

Тој истакна дека Русија го игнорира американскиот предлог за целосно и безусловно примирје повеќе од 50 дена.

„Исто така, дадовме предлози – барем да се запрат нападите врз цивилната инфраструктура и да се одржи долготрајна тишина на небото, на морето и на земјата. Русија одговара на сето ова со нови напади, нови напади“, рече претседателот.

И украинската амбасадорка во земјава, Лариса Дир, која на социјалните мрежи води своевиден дневник на случувањата во Украина за време на целосната и неиспровоцирана руска воена агресија, пишува руските воздушни напади врз Украина за тоа во денешната објава на Х.

Ден 1163. Теророт од страна на државата-агресор рф продолжува. Во изминатиот ден, русија лансираше 5 балистички ракети „Искандер-М“ и 170 ударни дронови и беспилотни летала-имитатори врз територијата на Украина. Украина продолжува со херојски отпор!, напиша амбасадорката Дир.

Ден 1163. Теророт од страна на државата-агресор рф продолжува.
Во изминатиот ден, русија лансираше 5 балистички ракети „Искандер-М“ и 170 ударни дронови и беспилотни летала-имитатори врз територијата на Украина.
Украина продолжува со херојски отпор!#StandWithUkraine #StopRussia pic.twitter.com/HHQ63IeLBl

— Larysa Dir (@dir_larysa) May 1, 2025

Дали државата-терорист рф навистина посакува мир? И покрај гласните изјави, рф само ја зголемува интензивноста на воените дејствија и го продолжува теророт врз цивилното население на Украина. Пред сè, за да се постигне мир, неопходно е да престанат секојдневните напади и убиства на Украинците, прашува амбасадорката Дир во друг твит.

Дали државата-терорист рф навистина посакува мир?
И покрај гласните изјави, рф само ја зголемува интензивноста на воените дејствија и го продолжува теророт врз цивилното население на 🇺🇦
Пред сè, за да се постигне мир, неопходно е да престанат секојдневните напади и убиства на 🇺🇦 pic.twitter.com/tf9A4Nhgt1

— Larysa Dir (@dir_larysa) May 1, 2025

Како што претходно објави ЦивилМедиа, во рускиот напад со беспилотни летала врз Одеса ноќта на 1 мај загинаа двајца цивили, а петмина се повредени, додека пожари се пријавени низ целиот град.

Драган Мишев