• Latest
Добро утро со Орданоски

Живот ли е ЕУ или панаѓур?

December 1, 2020
NATO Secretary General Mark Rutte and  NATO Heads of State and Government/ nato.inf

Пет клучни заклучоци од Самитот на НАТО во Хаг

June 25, 2025
Фотоизвор: Социјални мрежи

(ВИДЕО) Нов гаф на Сиљановска Давкова – го помеша Марко Рубио со Џеј Ди Венс, кого го нарече Ди Џеј

June 25, 2025

24 ЧАСА: Доживотни казни за убијците на Вања и Панче; Зеленски алармира – Путин не сака да ја запре војната; Членките на НАТО се обврзаа да инвестираат по 5% од БДП за одбраната

June 25, 2025
Фото: мета.мк / Ванчо Џамбаски

РЕАКЦИИ: Жесток говор на омраза, анатеми, закани и хомофобични коментари од граѓаните за Скопје Прајд

June 25, 2025
Фото: НАТО

Хашка декларација: Членките на НАТО се обврзаа да инвестираат пет отсто од БДП за одбраната до 2035 година

June 25, 2025
Зеленски на Форумот на НАТО за одбранбена индустрија во Хаг. Фото: Кабинет на претседателот на Украина

Зеленски: Путин не сака да ја запре оваа војна

June 25, 2025
Фото: Скриншот од видео на Kanal 13

„Нешто непознато“ го погоди клучниот руски објект за беспилотни летала во Таганрог во бранот напади на украински дронови во повеќе региони на Русија

June 25, 2025

(ИЗБОР) Албански медиуми: Одбраната на Велиај обвинува за неправедно приведување од СПАК; Фарса од пребројување гласови во Албанија; Косово без претседател на парламентот; Албанците во револуцијата Трамп

June 25, 2025
Претседателот на Србија, Александар Вучиќ (фото извор: Инстаграм профил @buducnostsrbijeav

Вучиќ фатен со рацете во медот

June 25, 2025
Никица Корубин

Компромитирани гаранции – кога треба(ло) да се направат уставните измени?

June 25, 2025
CivilMedia
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
CivilMedia
No Result
View All Result
Home СЛОБОДНА ЗОНА ДОБРО УТРО СО ОРДАНОСКИ

Живот ли е ЕУ или панаѓур?

December 1, 2020 07:45
in ДОБРО УТРО СО ОРДАНОСКИ, СЛОБОДНА ЗОНА, ТОП 5
Добро утро со Орданоски

Добро утро со Орданоски

Share on FacebookShare on Twitter

пишува: САШО ОРДАНОСКИ

Кога само ќе помислам колку пати сме биле во слична ситуација, очекувајќи ја дефинитивната вест за некој наш „судбински датум“, човек да се замисли како успеавме да останеме нормални во вакви околности, сите овие години! Под услов да сме останати нормални, се разбира.

А контекстот за „нормалноста“ на Балканот вчера феноменално го исцрта неповторливиот претседател на Собранието на Србија, г. Ивица Дачиќ. Бесценето: во настап на ТВ Пинк (од сите можни розеви телевизии на светот!), Дачиќ, во својот зајадлив стил, иронично го коментираше развојот на бугарско-македонските „пред-интегративни“ односи, велејќи дека е наша (македонска) работа дали мислиме дека сме Бугари и дали немаме свој јазик, но дека „бугарската окупација (во Втората светска војна) беше дел од хитлеровската коалиција“ и дека Србите од јужна Србија многу добро знаат „колку биле сериозни бугарските злосторства“. „Тоа не беше администрација“, вели Дачиќ. Заклучувајќи – со една убиствена „елиптичност“ на српската национал-социјалистичка мисла – дека не жали многу за Југославија, бидејќи денот кога таа федерација била создадена бил несреќен ден за српскиот народ!

И таман кога мислите дека не може подобро, сфаќате дека Дачиќ во студиото на ТВ Пинк е во кикотливо друштво со никој друг, туку со познатата фолк-дива Цеца Ражњатовиќ, сопругата на покојниот Аркан! Која „на темата“ само ќе изјави дека „лично ги познава и Зоран Заев и Бојко Борисов“.

Бесценето.

Тоа е „циркускиот шатор“ во кој, најблаго речено крајно невнимателно, нè внесе актуелната бугарска политика не само нас, туку и целиот регион и целата Европска Унија, со своите „автентични толкувања“ на минатото, сегашноста, а богами и иднината на Балканот, како услов за интегрирање во Унијата.

Во Белград добро разбираат дека „црвените линии“ на Македонија не се само прашање под кое не може да оди (ни сега, ни по сто години) македонската политичка елита – колку и да се обидува „еластично“ да им ги објасни на Бугарите своите позиции, апелирајќи на нивниот добрососедски разум – туку се клучен принцип што не може да се наруши како цена за натамошниот процес на регионалните евро-интеграции. Бидејќи, поминат ли сега бугарските историско-политички билатерални аспирации во „мултилатералниот“ контекст со Македонија, баш ме интересира што ќе се случи кога Србите ќе „попијат“ вето од Бугарите кога ќе дојде денот Софија на Белград да им ги испорача истите европски услови во врска со толкувањето на природата на својот своевремено несреќен однос кон нацистичка Германија, за тоа кој бил Сталин, Тито и Тодор Живков, или, на пример, за статусот на бугарското малцинство во јужна Србија?!

Сè си мислам дека има пердуви да летаат на сите страни како кога се кубат гуски на салашки панаѓур! Оти во Србија има национал-шовинистички „Каракачанови“ на кои оваа бледа бугарска копија не би можела ни руски чај да им послужи додека ги договараат своите големодржавни провокации. Цеца би можела тоа, заносно, во стихови да им го отпее, од семејно искуство.

Елем, остануваат малку денови пред да се види дали, закачена на ѕидот во првиот чин, ќе „пукне“ бугарската пушка во третиот чин од драмата што треба идната недела да се случи на самитот на ЕУ во Брисел. Македонија на овие циклични „судбински“ претстави до сега би требало да е навикната, наместо како на трагедија, повеќе да гледа  како на делови од долгогодишниот евро-интегративен траги-комичен драмски омнибус што Европа амбициозно го нарекува „процес на регионална интеграција“.

Во оваа епизода од тој серијал одигравме одлично, ги освоивме неподелените позитивни критики и на публиката и на жирито, а дали после сегашната бугарска „премиера“ ќе следуваат слични европски репризи, не зависи од нас. Нема сценарио, без разлика колку се труделе, во кое регионалните „Розенкранц и Гилдерстен“ можат да ја сменат судбината на европскиот „Хамлет“ во неговата трагична потрага по сопственото „да се биде или не“.

Упатените велат дека, во Софија, „официјалните канали“ за сегашен компромис се затворени. Ајде да видиме што уште ќе се случи „неофицијално“ до самитот во Брисел, под претседателството на Берлин.

 


Сите права се задржани. ЛИНК: Услови за користење, авторски права и заштита на приватноста. Текстот е личен став на Авторот.

Print Friendly, PDF & Email
Tags: БугаријаИвица ДачиќмалцинстваСрбијаСталинТВ ПинкТодор ЖивковфашизамЦеца
Share33Tweet21Send

НАЈЧИТАНИ 5

  • Фото: Д. Мишев

    Помина во Брисел извештајот на Вајц за Северна Македонија

    114 shares
    Share 46 Tweet 29
  • ДОМ ја напушта коалицијата со СДСМ

    102 shares
    Share 41 Tweet 26
  • Како Скопје Прајд стана квази левичарска, про-палестинска подружница

    96 shares
    Share 38 Tweet 24
  • Во оклопот на вмро, Македонците се желки на трката во Спа Франкоршамп

    94 shares
    Share 38 Tweet 24
  • Американски бомбардери Б-2 полетаа од американска база и се движат кон запад над Тихиот Океан

    91 shares
    Share 36 Tweet 23

CIVIL MEDIA NEWSLETTER

Check your inbox or spam folder to confirm your subscription.

CivilMedia

СЛОБОДНО.НЕЗАВИСНО.ОТВОРЕНО

  • ЗА НАС
  • ИМПРЕСУМ
  • КОНТАКТ
  • АВТОРСКИ ПРАВА
  • Политика на приватност
  • МАРКЕТИНГ

Следете нè

No Result
View All Result
  • ДОМА
  • ВЕСТИ
  • ПОЛИТИКА
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
  • ДЕЗИНФО
  • ФОРУМ
  • ГРАЃАНСКА АКЦИЈА
  • МАРКЕТИНГ
  • ИМПРЕСУМ