ВЕСТ НА ДЕНОТ
ЦУК: Во земјава беснеат 9 активни пожари, еден локализиран
Во последниот извештај за пожари на отворен простор, од Центарот за управување со кризи (ЦУК) информираат дека до 12:30 часот во земјава имало вкупно 10 пожари на отворен простор. од кои активни се 9 и 1 локализиран…
ИЗЈАВА НА ДЕНОТ
„Ќе им испратиме уште малку оружје што го имаме, тие мора да бидат способни да се одбранат, сега се погодени многу силно“.
„Тоа е ужасна работа и воопшто не сум задоволен од претседателот Путин. Искрено, разочаран сум што претседателот Путин не престана.“
„Тие се погодени многу силно. Ќе мора да испратиме повеќе оружје, првенствено вашето одбранбено оружје, но тие се погодени многу, многу силно. Толку многу луѓе умираат во таа збрка“, рече Трамп ма средбата на американска и израелска делегација во Белата куќа,.
РЕГИОН
Над 6.600 учесници тргнаа кон Поточари во Маршот на мирот по повод 30 години од геноцидот во Сребреница
Повеќе од 6.600 луѓе утрово тргнаа од босанското населено место Незук кон Поточари во рамки на 21. издание на Маршот на мирот, што се одржува во знак на сеќавање на жртвите од геноцидот во Сребреница.
СВЕТ
Ротердам, најголемото европско пристаниште се подготвува за потенцијална војна со Русија
Во очекување на потенцијална војна со Русија, пристаништето Ротердам во Холандија почна да резервира простор за бродови на НАТО што носат воен товар и ги мапира логистичките рути за трансфер на оружје…
ФОРУМ
ПРАШАЊЕ НА ДЕНОТ: Какво е водоснабдувањето во вашата општина?
Во услови на климатски промени, зголемена потрошувачка на вода и потреба од подобра инфраструктура, прашањето за водоснабдувањето станува сѐ поактуелно за граѓаните во сите региони на државата.
Вашето мислење е важно! 👇
Редакција ЦивилМедиа ги повикува сите заинтересирани граѓанки и граѓани да одговорат на ова, но и на претходните прашања на денот во коментарите на објавата.
АНАЛИЗИ
Иако декларативно за европска иднина, премиерот Мицкоски сè поотворено се конфронтира со Унијата. Без отстапки, без гаранции и без подадена рака – Македонија стои во место, додека ЕУ чекори напред, пишува Дехран Муратов во анализата „На збор ЕУ, на дело изолација – Мицкоски ја води Македонија по сопствените црвени линии“.
СЛОБОДНА ЗОНА
Во прилог на номинацијата за Нобелова награда за мир на Трамп му оди и „решавањето на руската војна во Украина за 24 часа“ откако додјде на власт, токму како што вети за време на предизборните митинзи. И сето тоа насочувајќи го целиот притисок вра нападнатата Украина и нејзиниот претседател Зеленски. Можеби не е нескромно ако очекува уште една номинација за престижната награда, овој пат од рускиот претседател Владимир Путин. пишува Драган Мишев во колумната „Обвинетиот за воени злосторства Нетанјаху го номинира Трамп за Нобелова награда за мир, недостасува уште Путин“.
Филмувањето на пропагандата пред наши очи секако има свои предности особено ако власта има монопол на прикажувачите на такви дела. Проблемот е кога филмската приказна ќе се проба да се повтори во реални услови, пишува Љубомир Костовски во колумната „ЦВАЈ ТАГ, ДРАЈ ПАРАД ПРЕД НАШИТЕ ОЧИ: Огин го гори Чучер-Сандево“.
Подготви: Д. Мишев
