ВЕСТ НА ДЕНОТ
Прва човечка жртва од пожарите во Македонија, привремено ќе се вработат 400 пожарникари за 400 евра плата
Министерството за внатрешни работи информира дека вчера (на 06.07.2025) во 18.00 часот во СВР Скопје е пријавено дека кај мост на река Лепенец, во близина на Железничка станица Ѓорче Петров настанал пожар на сува трева, кој се проширил и зафатил неколку помошни простории и штали во кои имало домашни животни. Во пожарот настрадало едно лице и се пронајдени тела на добиток.
Четиристотини невработени лица ќе бидат привремено ангажирани за превенција на ризиците од пожари преку мерката „Јавни работи за заштита и превенција од пожари“ во рамки на Оперативниот план за вработување. За ангажманот ќе добиваат по 24 илјади денари месечно, а оние што ќе покажат добри резултати, подготвеност и посветеност, по завршувањето на оваа мерка ќе бидат трајно вработени во противпожарните единици во општините или во соодветните институции. Со мерката се опфатени 14 општини.
ИЗЈАВА НА ДЕНОТ
„Во текот на ноќта и до утрото, во регионите Донецк и Дњепарк се во тек итни операции за спасување. Во Харков се расчистуваат урнатините по нападот врз станбени згради. 27 лица се повредени, вклучувајќи три деца. Најмладото, девојче, има само три години. Три лица се хоспитализирани. За жал, во Одеса имаше еден смртен случај. Моето сочувство до семејството и најблиските. Многу региони беа погодени, а сирените за воздушен напад повторно се вклучија низ многу региони утрово поради беспилотни летала за напад. Вкупно, во текот на изминатата недела, имаше околу 1.270 беспилотни летала, 39 ракети и речиси илјада водени бомби“, изјави украинскиот претседател Володимир Зеленски.
РЕГИОН
Спречени блокирања на неколку локации во Блеград, на осмиот ден од протестните блокади
На осмиот ден од блокадите на протестите во Србија, во текот на утрово, полицијата ги спречи граѓаните да блокираат клучни патишта на неколку локации во Белград.На покана на студентите, неформалните собири на граѓани најавија блокади на улици и раскрсници од седум часот наутро, на повеќе од десет точки во Белград.
СВЕТ
Претседателот на САД, Доналд Трамп, на 6 јули изјави дека неговата администрација ќе воведе дополнителна царина од 10% за земјите што се усогласуваат со она што тој го опиша како „антиамериканска политика“ на групата БРИКС.
АЛ-ПРЕС
Реакциски избор од албански медиуми: Опозицијата во Косово не прифаќа ниту тајно гласање, ниту по 43-ти пат не успеа конституцијата на собранието; Ќе се изградат два моста на реката Ибар, Српска листа со петиција против, ЕУ бара инклузивност во процесот на изградбата.
ПРАШАЊЕ НА ДЕНОТ: Колку нашата држава е спремна да се справи со пожарите?
ИНТЕРВЈУ
АНАЛИЗИ
„Она за што пишуваме веќе извесно време, откако односите меѓу Русија и Азербејџан, некогаш сметани за блиски, нагло се влошија по низата инциденти од висок профил – кој започнаа со соборувањето на азербејџанскиот патнички авион и продолжија последниве недели со смртни случаи во притвор, вонсудски убиства за време на приведување, рации во медиумски канцеларии и претепани и крвави осомничени во најновиот развој на настаните во долгогодишното преобликување на геополитичкиот пејзаж во Јужен Кавказ. Азербејџан, Ерменија и Грузија беа советски републики, а Русија сè уште го гледа регионот како свој двор“, пишува Драган Мишев.
СЛОБОДНА ЗОНА
„Мицкоски ја претвори нашата партија ВМРО-ДПМНЕ во канта за смет или можеби подобро во депонија за политички отпад. Бравос за генијалецот и политичкиот дустабанлија Мицкоски. Со Мицкоски покрај тоа што се наслушавме, ќе се нагледаме срамотилаци и ќе мирисаме од реата на распаѓањето на политичкиот смет кој во себе го прими токму нашата партија ВМРО-ДПМНЕ. И драги мој сопартијци, како што убаво си молчите малку ви е и ако ни е“, пишува Оливер Андонов во „Канта за смет“.
Подготви: Б. Јордановска
