ВЕСТ НА ДЕНОТ
Десет лица загинаа во пукотница во училиште во Грац
Градоначалникот на Грац, Австрија, соопшти дека 10 лица се убиени во инцидент со пукање во средно училиште, вклучувајќи го и наводниот сторител. Австриската полиција соопшти дека училиштето било евакуирано откако реагирале на пријави за пукање.
ИЗЈАВА НА ДЕНОТ
Трендафилов: Платите на функционерите растат за 200 евра, но не и на работниците
„Ако зголемувањето на платите на работниците кое им следува и кое изнесува 12,6% согласно Општиот колективен договор за јавниот сектор, како и потребата од зголемување на минималната плата на 500 евра и за 100 евра зголемување на останатите плати ќе ја зголеми инфлацијата, тогаш зголемување од 13,8% на платата на функционер веројатно иако така влијае на инфлацијата, но изгледа ја намалува (друго образложение нема)“, вели претседателот на Сојуз на синдикатите на Македонија (ССМ), Слободан Трендафилов, кој додава дека секој заслужува покачување, но прво треба да се обрне внимание на работниците кои имаат помали плати и се погодени од растот на животните трошоци.
РЕГИОН
Продолжува дијалогот меѓу Приштина и Белград во Брисел
Во Брисел денеска се одржува нова рунда од дијалогот меѓу Белград и Приштина под покровителство на Европската унија.
Белградската делегација, во која учествуваат бројни експерти, ја предводи директорот на Канцеларијата за Косово и Метохија и главниот преговарач на техничко ниво, Петар Петковиќ.
СВЕТ
Во еден од најголемите напади врз главниот град на Украина, рускиот бараж ги погоди Кијив и Одеса, убивајќи 2 лица, повредувајќи 12
Киjив и Одеса беа под уште еден масовен руски напад во раните утрински часови на 10 јуни, во кој беа вклучени балистички ракети и беспилотни летала. Експлозии се слушнаа низ целиот главен град додека системите за воздушна одбрана ги напаѓаа целите, пренесува Кијив Индепендент.
ПРАШАЊЕ НА ДЕНОТ: Што мислите за зголемување на платите на функционерите?
СЛОБОДНА ЗОНА
„Сајбер арсеналите на оружје, сè повеќе засилени со вештачка интелигенција, тивко навлегуваат во критичните инфраструктури – саботираат енергетски мрежи, комуникациски системи и други клучни структури, крадат разузнавачки податоци и сеат хаос. Тие се невидливите архитекти на современото војување – обработуваат податоци, управуваат со дронови, обликуваат наративи и го редефинираат разузнавањето на боиштата во реално време.“, пишува Авторот Џабир Дерала во колумната „Иднината е сега: Вештачката интелигенција е срцето на модерното војување – водена од човекот“ – дел од анализата „Линии со код, реки од крв“.
„Не, не се разбираме непочитуван расисту филип т. петровски! И немам намера да ти држам едукативни предавања и да те убедувам што значат изразите „циганска или педерска работа“, бидејќи тоа е губење време, односно тоа ти е исто како да му кажеш на глуп човек дека е глуп или на мртов човек дека е мртов. Тоа го знаат сите околу него, освен тој самиот. Исто е и со наци(онали)стите, фашистите и расистите! Тие мислат дека за сè се во право.“, пишува Авторот Дехран Муратов, во колумната „Не, не се разбираме расисту филип т. Петровски“.
Подготви: Д. Тахири
