ТЕМА НА ДЕНОТ
Татјана Димитровска, сѐ уште е актуелна претседателка на Државната комисија за спречување на корупцијата (ДКСК) која од април годинава се сомничи за оддавање службена тајна во предметот „Адитив“. Соопштението на Основното јавно обвинителство за гонење организиран криминал и корупција од 18-ти јули откри дека таа е обвинета за уште едно кривично дело. Собранискиот спикер Африм Гаши нагласи дека претседателката на ДКСК досега до Собрание нема доставено оставка. Потенцира дека иницијатива за разрешување на Димитровска треба да доаѓа од пратениците. Димитровска уште во текот на истрагата објави дека нема намера да се повлече од фунцијата, бидејќи смета дека без судска пресуда, секој е невин. Од ДКСК информираат дека претседателката на Државната комисија за спречување на корупција согласно изречените мерки од надлежниот суд, во изминатиот период не доаѓа на работа.
ИЗЈАВА НА ДЕНОТ
Зајкова: ЛДП по трет пат ќе ги поднесе измените на Законот за платежни услуги и платни системи
„Конечно после две години постојано говорење и борба имаме добра вест – гувернерот на Народната банка го прифати предлогот на ЛДП – да се намалат банкарските провизии и трошоци што со години ги празнат џебовите на граѓаните! НБРМ ги намали надоместоците на банките, сега е на ред ние да ги намалиме трошоците на граѓаните. На народот му наплаќаат за сè: за трансакции, за одржување сметки, за да си ги гледате парите на банкомат, па дури и за да ги извадите од банкомат! Огромни профити за банките, празни паричници за народот, изјави Моника Зајкова, претседателка на ЛДП во собранискиот прес-центар.
РЕГИОН
Србија мора да докаже дека заслужува членство во ЕУ
Приоритет на Европската комисија е Србија да остане на европскиот пат, но и српската влада треба да покаже преку реформи дека заслужува да се приклучи кон ЕУ. Европската комесарка за проширување Марта Кос, зборуваше и за причините зошто знамињата на ЕУ не можат да се видат на студентските протести во Србија.
АЛ ПРЕС
Редакциски избор од албански медиуми: Косово без собрание и по 50 обиди за конституирање; Судот одреди 100 илјади евра отштета за поранешниот генерален директор на албанската државната полиција; Албанската „здравица“ прогласена за национално културно наследство
СВЕТ
Четиригодишно девојче почина од глад во Газа додека Израел го ограничува снабдувањето со храна
Четиригодишната Разан Абу Захер почина во болница во централна Газа од компликации предизвикани од глад и неухранетост, според медицински извор. Нејзиното скелетно тело било положено на камена плоча. Најмалку 76 деца во Газа починале од неухранетост од почетокот на конфликтот во октомври 2023 година, како и десет возрасни, соопшти палестинското министерство за здравство. Според Светската здравствена организација, повеќето од нив се случиле откако израелските власти воведоа блокада на почетокот на март.
ПРАШАЊЕ НА ДЕНОТ: Што мислите, дали е загрозен македонскиот идентитет?
СЛОБОДНА ЗОНА
„Мицкоски е еден од оние ликови што во секоја прилика се трудат да остават впечаток на самоувереност и непоколебливост. Многу се труди да ја увери публиката дека знае (за) што зборува, дека е подготвен и дека има идеја што понатаму. За жал, повнимателна анализа на тоа што го зборува и начинот на кој се изразува – ќе го открие обратното по сите три основи: не знае (за) што зборува, ни оддалеку не е подготвен и не покажал дека има идеја што треба да се направи по некое прашање, ниту во краток, ниту на долг рок (тоа па ич)“, пишува Џабир Дерала во денешното ES-PRESS-O „Филозофот Мицкоски“.
Подготви: Б. Јордановска
