ВЕСТ НА ДЕНОТ
Со поставување камен темелник денеска стартуваше изградбата на ветерен парк во близина на Штип, каде „Алканзар енерџи партнерс“, со инвестиција од 500 милони денари на површина од 326 хектари ќе изгради 55 ветерници кои ќе произведуваат струја за 100 илјади домаќинства.
Новиот ветерен парк најавен како најголем во Западен Балкан, е значаен чекор кон зајакнување на енергетската безбедност и целите за обновлива енергија на земјата.
Коосновачот и управувачки партнер на „Алказар енерџи“ Даниел Калдерон најави намалување на цената на струјата со овој проект за чиј старт ја истакна подготвеноста на државата, како што рече, со покажано лидерство и дисциплина.
– Раководството на државата нас не туркаше да ги завршиме работите побргу. Ги поставуваме темелите на овој значаен проект над 500 милиони долари, кој ќе создаде 600 работни места, ќе создаде чиста енергија, ќе ги намали емисиите на јаглероден диоксид, рече Колдерон.
ИЗЈАВА НА ДЕНОТ
МВР распиша оглас за 150 полицајци
Полицијата ги повикува сите млади непартиски членови под 25 години мажи и жени со висина од минимум 170 и 160 сантиметри, со завршено средно образование и не им е изречена правосилна казна, да се пријават на огласот за кое работно место ќе претходи едногодишен интензивен процес на образование, тренинг и обука.
-Да се биде полицаец е повик а не обична професија. Затоа придружи не се, прифати го својот повик, биди полицаец.
РЕГИОН
Обвинителството на Босна и Херцеговина отвори случај поврзан со руските кампови за граѓани на Молдавија, беше потврдено за Детектор, но не понуди повеќе детали за досегашните резултати, објави Данас. Оваа информација ја откри Детектор за време на заедничко истражување со молдавскиот CU SENS, кое наскоро ќе биде објавено со претходно непознати детали, заедно со откривање на идентитетот на учесниците.
СВЕТ
ЕУ формира центар за борба против медиумските дезинформации во Украина и Молдавија
Европската опсерваторија за дигитални медиуми (ЕДМО) формира нов регионален центар, чија задача ќе биде да ги поддржи Украина и Молдавија во борбата против дезинформациите. Центарот, наречен ФАКТ, ќе ги открива и анализира манипулативните и дезинформациски кампањи, особено по потекло од Русија, а во тие рамки ќе ги следи и состојбите во Молдавија во пресрет на есенските парламентарни избори, со цел да придонесе за обезбедување на интегритетот на изборниот процес.
ФОРУМ
ПРАШАЊЕ НА ДЕНОТ: Што мислите за улогата на медиумите во изборите?
СЛОБОДНА ЗОНА
„Сите имавме свои дворови и градини со овошје, ама редовно ќе се послужевме и со понекое овошје од туѓите градини, како и други деца, но понекогаш и возрасни. Речиси секојпат ни беше срам што “крадевме” по две три кајсии, праски или гроздови, до толку што еднаш ги оставивме праските под дрвото од кое ги скинавме, демек еве ги вративме.
Детска логика, чиста, без трунка злоба… Сите ние (што крадевме овошје) пораснавме и еве веќе старееме со длабоко чувство на лична одговорност и прекор, во добри родители и општествено свесни индивидуи. Деца на уште подобри родители.
Се прашувам како растеле сите овие лопови, што е причината за толкава алчност и нечовечност? Многу се, пола држава!“, пишува Дијана Тахири во колумната „Многу лопови, пола држава“!
*
„Нашата земја изгради пропаганден систем што сантиметрите ги претвора во километри – во секоја област.
Буквално сите што некогаш седнале на фотелја во изминатите десетина години, сосе оној во Будимпешта, се грабаат за заслугите – дека тие изградиле делница од патот што просечен човек пешки ќе го помине за 4 часа. Другар ми Јане рече дека може да го помине и за помалку.
Луѓе, се работи за неполни 20 километри пат. За кој политичарите од сите ќошиња на политичкиот спектар се фалат дека го изградиле. Мислиш дека самите земале казми, лопати, багери и камиони, па го граделе 11 години“, пишува Џабир Дерала во колумната „Мини‑делница, макси‑пропаганда“.
Д. Муратов
