ВЕСТ НА ДЕНОТ
Пад од два поени, Северна Македонија од 76 на 88 место подолу во годинашниот Индекс за корупцијата
Индексот на перцепција на корупцијата на Транспаренси Интернешнл за 2024 година покажува пад од два индексни поени на Северна Македонија во однос на минатата година, рангирајќи ја на 88 позиција од вкупно 180 држави. Со 40 индексни поени, што е за три под просекот од 43, земјава ја дели 88 позиција со Казахстан, Суринам и Виетнам.
Индексот на перцепција на корупцијата на Транспаренси Интернешнл за 2024 година покажува пад од два индексни поени на земјава во однос на минатата, рангирајќи ја на 88 позиција од вкупно 180 држави.
Со 40 индексни поени, што е за три под просекот од 43, земјава ја дели 88 позиција со Казахстан, Суринам и Виетнам.
ИЗЈАВА НА ДЕНОТ
Сиљановска-Давкова: Има исчекор и деблокада за евроинтеграцискиот процес
– Да, гледам деблокада. Процесот не зависи само од нас, зашто ние покажавме невидена и нечуена кооперативност кога е во прашање нашата евроинтеграција. Мислам дека треба да се разговара, да се преговара. По моите сознанија, има исчекор. Јас и во Аушвиц се видов со претседателот на Бугарија. Меѓу нас има пријателски дијалог, разбирање, Очекувам во директните средби да се разговара за можните решенија. Она што е ново и инспиративно е дека групата за пријатели на Западен Балкан, што значи и наши пријатели, е активна. Јас знам дека има креативни предлози, во смисла дека би можело да ни се отвори патот за кластерите 2, 3 и 4. Знаете дека склучивме Договор за заедничката меѓунардона и безбедносна политика. Впрочем, иако не сме членка на ЕУ имаме целосно усогласена заедничка надворешна и безбедносна политика и мислам дека треба време, треба, она што е најважно – добра волја, треба манифестирање добрососедство. Во добрососедството не можам да препознаам механизми како ветото и сличните закани, рече Сиљановска-Давкова, одговорајќи на новинарско прашање во врска со вчерашната објава на Еуроактив, дека Бугарија останува на ставот за промена на Уставот како дел од преговарачката рамка.
РЕГИОН
Студенти од Ниш тргнаа пеш кон Крагујевац каде ќе се сретнат со колеги од цела Србија
Околу 200 студенти од Ниш утрово пеш тргнаа кон Крагуевац, каде на Сретење ќе се сретнат со своите колеги од цела Србија, пренесуваат српските медиуми. Придружувани се од неколку студенти на Природно-математичкиот факултет во Крагуевац, кои дојдоа да дадат поддршка и со своите колеги да направат патување од околу 150 километри.
СВЕТ
„Што се однесува до мене, ако сите заложници не бидат вратени до сабота во 12 часот – мислам дека е соодветно време – би рекол, откажете го и сите облози се прекинати и нека избие пеколот“, им рече претседателот на новинарите во Овалната соба по потпишувањето на извршните дејствија. Сите нив, не капка по капка, не два и еден и три и четири и два. Сабота во 12 часот, а потоа, би рекол, ќе избие целиот пекол“.
ФОРУМ
ПРАШАЊЕ НА ДЕНОТ: Што треба да се направи за ефикасна борба против корупцијата?
БЕЗБЕДНОСТ
Еден убиен, двајца ранети и четворица уапсени по синоќешната вооружена престрелка во Топанско Поле
Според информации на Министерството за внатрешни работи околу полноќ добиле пријава од Градската општа болница „Св. Наум Охридски“ дека кај нив со повреди од огнено оружје биле донесени Х.Б.(35) и А.Д.(35), двајцата од Скопје, и дека подоцна Х.Б. починал, а над А.Д. била извршена интервенција и бил задржан на лекување.
СЛОБОДНА ЗОНА
„Во македонскиот јазик кога ќе кажете – гајле ми е, или – не ми гајле, тоа е едно те исто. Има подеднакво значење. Кога премиерот Христијан Мицкоски ќе каже јасно и гласно дека не е многу загрижен што светски компании најавуваат дека ќе си заминат од Македонија, или ќе отпуштат 500, или повеќе илјади работници, можете спокојно да си ја накривите капата и да си немате грижа. Штом премиерот вели да немате гајле, треба да му се верува, сѐ што кажа и вети се остварува.
Сакаат да си одат? Нека си одат! Ќе дојдат други компании, вели спокојно премиерот, станува збор за големи инвеститори кои уште за време на неговото владеење ќе ја направат Македонија најбогата на Балканот“, пишува Ерол Ризаов во колумната „За што е загрижен премиерот Мицкоски“.
Д. Муратов
