ВЕСТ НА ДЕНОТ
Мицкоски денеска во Брисел со „фантастичен документ“ за реформската агенда и во одбрана на националните интереси
Премиерот Христијан Мицкоски, во придржба на министрите за надворешни работи и надворешна трговија Тимчо Муцински и за европски прашања Орхан Муртезани, денеска престојува во работна посета на Брисел.
Премиерот Христијан Мицкоски, кој престојува во работна посета на Брисел, денеска заедно со останатите лидери од земјите од Западниот Балкан присуствуваше на работен ручек во организација на претседателката на Европската комисија, Урсула фон дер Лајен. Во објава на платформата Икс по средбата, Фон дер Лајен наведе дека сите шест земји партнери од Западниот Балкан и припаѓаат на Европа.
ИЗЈАВА НА ДЕНОТ
Битиќи за „Фронтлајн“: Со заемот од Унгарија се внесува корозивен капитал со потенцијал да ја разјаде нашата економија и демократија
„Државата се турка во ситуација кој е типична за градење на односи меѓу авторитарни држави, а тоа е инструментализирање на економски ресурси за остварување на надворешно политички цели. Проблемот е што овие цели, на кои се подредува нашата држава, отстапуваат од западните демократски вредности и принципи. Но, очигледно дека овие вредности ништо не значат за самата власт, самиот процес на задолжување го започна со погазување на нив, вон институционално, во четири очи, под превезот на тајност, договорија задолжување“, анализира Битиќи – пратеник од редовите на опозициската СДСМ и економски експерт.
РЕГИОН
Реакции од Бугарија: Од Кабинетот на Радев обвинувања за „провокации и навреди“ од Скопје, од бугарско МНР за неиспровоцирани неевропски реакции од Скопје, во кои Сoфија не сака да учествува
Кабинетот на бугарскиот претседател Руме Радев и Министерството за надворешни работи во Софија реагираа на, како се наведува, навредливи квалификации кон Бугарија и бугарскиот народ од на функционери од Република Северна Македонија.
СВЕТ
Северна Македонија воздржана: Генералното собрание на ОН ја поддржа палестинската резолуција за ставање крај на израелската окупација
Генералното собрание на ОН денеска со големо мнозинство ја поддржа необврзувачката палестинска резолуција со која се бара Израел да го прекине своето „незаконско присуство“ во Газа и окупираниот Западен Брег во рок од една година. За резолуцијата гласаа 124 од 193 членки на светската организација, 14 беа против, 43 беа воздржани. Северна Македонија гласаше воздржана.
ПРАШАЊЕ НА ДЕНОТ: Дали државата е подготвена да се справи со евентуални поплави?
АНАЛИЗИ
„Откако не успеа „блицкриг“ стратегијата, путиновиот режим се сврте кон употреба на големите резерви од ракетно и артилериско оружје за да го промени текот на војната против Украина преку злосторничка, масовна и неселективна употреба“, ексклузивно од Олег Усатенко во анализата „Путиновата воена машинерија: Неуспешниот „блицкриг“ и злосторничката ракетна стратегија на теророт“.
Подготви: Б. Јордановска
„
