ВЕСТ НА ДЕНОТ
Од модел на регионален успех до договор кој е загрозен од политичка деградација – вака денес се опишува Преспанскиот договор, седум години по неговото историско потпишување во јуни 2018 година меѓу Северна Македонија и Грција.
Она што некогаш се сметаше за еден од најуспешните примери на храбра дипломатија на Балканот, денес е под притисок од новите политички случувања во Скопје, каде актуелната Влада предводена од ВМРО-ДПМНЕ, според Демократската унија за интеграција (ДУИ), ги загрозува стратешките цели на договорот и евроатлантската ориентација на земјата.
„Пред седум години, Преспанскиот договор означи историска пресвртница за Република Северна Македонија. Тоа беше чин на визија и државна храброст што не само што го отвори патот за членство во НАТО, туку и ја постави земјата на вистинската страна од историјата, во срцето на евроатлантската заедница. Преспа ја трансформираше земјата во регионален пример за решавање на сложени прашања преку дипломатија и го воспостави Скопско како платформа за дијалог и стабилност низ целиот Балкан. Но, денес, седум години подоцна, сме сведоци на најсериозната девалвација на тој капитал“, се наведува во соопштение на ДУИ, на годишнината од потпишувањето на преспанскиот договор.
ИЗЈАВА НА ДЕНОТ
Мицкоски најавува решение за ублажување на растот на цените на прехранбените производи
Се консултираме со екпертската јавност, следиме што се случува со однесувањето на трговците, производителите, дистрибутерите и на ланците на трговци така што ова е еден сериознен процес во којшто сериозно навлегување и мислам дека многу скоро ќе излеземе со предлог решение, рече Мицкоски, одговарајќи на новинарски прашања.
РЕГИОН
Наташа Кандиќ им порача на српските „Блокадери“ на Видовдан да положат цвеќе на гробовите на 75 деца од Косово во гробницата во Батајница
СВЕТ
Над 50 Палестинци убиени чекајќи камиони со хуманитарна помош
Според Министерството за здравство на Газа и локалната болница, најмалку 51 Палестинец беа убиени, а повеќе од 200 беа ранети во Појасот Газа додека чекале камиони на ОН и комерцијални камиони да влезат на територијата со очајно потребна храна, јавува Вашингтон Пост.
ФОРУМ
ПРАШАЊЕ НА ДЕНОТ: 7 години Преспански – кои се придобивките?
САМО НЕШТО ДА ПРАШАМ со Дехран Муратов и Џабир Дерала за автобускиот „превоз“ на национализмот, судскиот триумф на Мицкоски и Тошковски против Дерала, како профитираат политичарите од Газа и други прашања.
ДУПЛО ЕСПРЕСО со Драган Мишев и Џабир Дерала
СЛОБОДНА ЗОНА
„Не е доволно она, би рекле „на Миле му текна“ што како модел на владеење го имаме од Груевски во партијата која победи на последните избори.
Дали е ова одговорно институционално решение или само евтин пи-ар?
Веќе еднаш пишав – кое е тоа место каде треба да се пресели цел град?
И знаат ли тие „на кои им текна“ дека – на пример – на оние кои ќе одат на рехабилитација таму не смее да ги касне комарец или да се појават на сонце, а камо ли да влезат во шума каде крвопијците ги има во роеви…“, пишува Љубомир Костовски во анализата „Има ли комарци на Пониква?“.
*
„Стоиљковиќ беше единствениот владин претставник ( иако не се знае во кое својство бил таму, службено или приватно) во друштвото со домаќинот, амбасадорот на Руската федерација во Северна Македонија, Сергеј Баздникин, амбасадорите на Кина, Србија, БиХ, но и амбасадорот на уште една членка на НАТО, Турција, но и со голем број локални русофили.
Настанот, за чудо, не беше „достојно“ претставен во македонските медиуми и по социјалните мрежи, дури ни Стоиљковиќ не објави за своето присуство на настанот на својот Фејсбук профил, иако претходно се пофали како полага цвече со лента во боите на српското знаме на 9 мај, Денот на победата, во присуство на рускиот амбасадор“, пишува Драган Мишев во колумната „Потпретседателот на Владата Стоиљковиќ и врвот на МПЦ-ОА дел од „рускиот свет“ на забавата кај Баздникин“.
*
Повеќе од две години бев предмет на политички мотивиран судски процес, покренат од Христијан Мицкоски – тогашен лидер на опозициската партија ВМРО-ДПМНЕ, а сега премиер на Република Северна Македонија. Тужбата се однесуваше на текст што беше преземен од други медиуми. Судскиот процес го водеше лично неговиот близок соработник и денешен министер за внатрешни работи, Панче Тошковски.
Ова не е изолиран случај. И не е единствен. Стратегијата е иста – да се замолчи критичката мисла преку институционален прогон“, истакна Џабир Дерала во својата изјава „Кога премиерот те тужи, тоа не е лична пресметка, туку политички притисок“!
Д. Муратов
