ВЕСТ НА ДЕНОТ
Обвинителствата почнаа сослушување на семејствата на жртвите од Кочани
Сослушувањата на законските застапници на сите жртви во пожарот во кочанската дискотека „Пулс“ започнаа денеска и се одвиваат со предвидената динамика, во обвинителствата во Кочани, Штип и Скопје, соопшти Јавното обвинителство.
Сослушувањата, како што се наведува во информацијата од обвинителството, се одвиваат согласно распоредот кој беше утврден директно со семејствата на жртвите во соработка со организацијата „Support Kocani“.
На 24 мај обвинителството објави дека законските застапници на починатите преку исказите дадени пред јавен обвинител ќе можат да си ги остварат своите права како оштетени и да се приклучат кон кривичниот прогон.
ИЗЈАВА НА ДЕНОТ
Мережко: 400 години меѓународно право
„Кога се појавила науката за меѓународното право?
На ова прашање нема еднозначен одговор. Сепак, според мое мислење, како година на раѓање на науката за меѓународното право може да се смета 1625 година. Зошто токму таа година? Затоа што во 1625 година била објавена основоположничката книга на Хуго Гроциус – De Jure Belli ac Pacis (За правото на војна и мир).
Гроциус го напишал ова дело со цел да ја заштити правдата во меѓународните односи. Токму идејата за правда станала водечка и регулирачка идеја на новата дисциплина. Заради тоа, Хуго Гроциус често се нарекува „татко на меѓународното право“, пишува Претседателот на Комитетот за надворешна политика и меѓупарламентарна соработка на Врховната Рада, Олександар Мережко.“
РЕГИОН
Додик повторно во Москва
Претседателот на Република Српска, Милорад Додик, за кој Судот на Босна и Херцеговина издаде централна потерница, пристигна во Москва, каде што ќе учествува на 13-от меѓународен состанок на високи претставници задолжени за безбедносни прашања.
СВЕТ
Германија и други сојузници ги укинаа ограничувањата за ракети со долг дострел од Украина по рекордниот воздушен напад на Русија
Германија и другите украински сојузници ги укинаа ограничувањата за испукување ракети со долг дострел од Киев кон Русија за прв пат, изјави германскиот канцелар во понеделник, по неколкудневните бомбардирања на главниот град и другите региони од страна на Русија со масовни воздушни напади.
ФОРУМ
ПРАШАЊЕ НА ДЕНОТ: Каков министер за здравство ни е потребен?
Подготви: Д. Тахири
