Кога се појавила науката за меѓународното право?
На ова прашање нема еднозначен одговор. Сепак, според мое мислење, како година на раѓање на науката за меѓународното право може да се смета 1625 година. Зошто токму таа година? Затоа што во 1625 година била објавена основоположничката книга на Хуго Гроциус – De Jure Belli ac Pacis (За правото на војна и мир). Гроциус го напишал ова дело со цел да ја заштити правдата во меѓународните односи. Токму идејата за правда станала водечка и регулирачка идеја на новата дисциплина. Заради тоа, Хуго Гроциус често се нарекува „татко на меѓународното право“, пишува Претседателот на Комитетот за надворешна политика и меѓупарламентарна соработка на Врховната Рада, Олександар Мережко, во објава на Фејсбук.
Така, според Мережко, 2025 година има особено значење – се одбележуваат 400 години од првото издание на ова фундаментално дело. Можеме да кажеме дека оваа година претставува јубилеј за науката за меѓународното право.
Интересен е и еден историски парадокс: науката за меѓународното право, претставена преку делото на Гроциус, се појавила пред формалното појавување на системот на меѓународното право, кое обично се датира во 1648 година, со потпишувањето на Вестфалскиот мир. Со други зборови, теоријата на меѓународното право ѝ претходела на неговата практична и правна примена, посочува Мережко.
На фотографијата е прикажано уште едно важно дело од Хуго Гроциус – Mare Liberum (Слободното море), првпат објавено во 1609 година. Оваа книга најавува дел од идеите што подоцна ќе бидат целосно развиени во неговото дело од 1625 година и ги поставува темелите на современото меѓународно поморско право, пишува Мережко.
Д. Мишев
ПРОЧИТАЈТЕ И:
