24 ЧАСА: Од Косово се бара екстрадиција на осудените во „Монструм“; без евроинтеграциите, Северна Македонија ќе биде жестоко дестабилизирана, изјави Дерала; убиен политичкиот лидер на Хамас

ВЕСТ НА ДЕНОТ

Министерството за правда повторно бара од Косово екстрадиција на осудените за „Монструм“

Министерот за правда Игор Филков денеска изјави дека потпишал барање за екстрадиции за Алил Демири и Африм Исмаиловиќ, кои се осудени за доживотен затвор за кривичното дело „тероризам“. Како што појасни, овие две барања се доставени до косовското Министерство и се чека на одговор. Тој напомена дека за лицата Алил Демири и Африм Исмаиловиќ првпат од Република Косово е побарана екстрадиција на 15 март 2013 година, но тоа беше одбиено.

ИЗЈАВА НА ДЕНОТ

Ако не продолжи евроинтеграцијата, Северна Македонија ќе биде жестоко дестабилизирана: Џабир Дерала во подкастот „Балканот и пошироко“

РЕГИОН

Редакциски избор од албански медиуми: Албанското собрание со нова претседателка; Изгласани новите министри; Курти бара да се отворат српските архиви за активноста на Косово на 37-та моторизирана бригада на ЈНА.

СВЕТ

Убиен политичкиот лидер на Хамас, Исмаил Ханије, иранскиот врховен верски лидер, ајатолахот Хамнеи вети одмазда кон Израел

Политичкиот лидер на Хамас, Исмаил Ханије, е убиен во Техеран, објави иранскиот државен медиум „Прес ТВ“ повикувајќи се на информации од Иранската револуционерна гарда (ИРГЦ). Од Хамас во објава на нивниот канал на Телеграм велат дека Ханије е убиен заедно со неговиот телохранител во, како што наведуваат, израелски напад врз неговата резиденција по присуството на инаугурацијата на иранскиот претседател Масуд Пезешкијан на 30 јули.

Подготви: Б. Јордановска