ВЕСТ НА ДЕНОТ
Од денеска граѓаните ќе плаќаат поскапа струја
Сметките на потрошувачите на електрична енергија на регулираниот пазар, односно на домаќинствата и на малите потрошувачи, од денеска до крајот на годинава, за најголем дел од потрошувачите, ќе бидат повисоки за 0,4 отсто. Одлуката за минималното зголемување на цената во четвртокот ја донесе Регулаторната комисија за енергетика (РКЕ).
ИЗЈАВА НА ДЕНОТ
Таравари: Можно е партиите од ВЛЕН да се спојат во една, но по разговори со членството
РЕГИОН
Во утринските часови денеска, почина Исмаил Кадаре, албански новелист, поет, есеист, сценарист и драматург.
Бугарскиот претседател Румен Радев денеска му го врачи мандатот на Росен Желјазков за да состави Влада.
СВЕТ
Екстремната десница во Франција е во пол-позиција по првиот круг од парламентарните избори што ја потврди нивната доминација во француската политика и ги донесе пред портите на моќта. РН освои 33,1 отсто од гласовите, по него следи левичарскиот сојуз со 28 отсто, а таборот на Макрон е зад мив со 20,76 отсто.
СЛОБОДНА ЗОНА
„Да не се лажеме, ова обединување доаѓа по долг период на распаѓање на левицата или, да бидам поблаг, фрагментација на левиот политички блок во Франција (и не само таму). Личен анимозитет меѓу водечките личности, скандали, отсуство на способност или волја за соработка се еден дел од причините за тоа расцепкување на левичарите. Понатаму, веројатно и посуштински, причините за тоа се идеолошката дезориентација и неспособноста на левицата да се прилагоди на доминантните социополитички процеси и трендови во светот“, пишува Џабир Дерала во „Единство и посветеност: Како француската левичарска коалиција го возврати ударот“.
Подготви: Б. Јордановска
