ВЕСТ НА ДЕНОТ
Инцидент во Општина Кочани: Советник со шише удри по глава службеничка
На денешнта 65 седница на Советот на општина Кочани дојде до инцидент во кој учествуваа советниците Аки Акиов од Партијата за Демократски Просперитет на Ромите (ПДПР) и Мирче Стојков од ВМРО=ДПМНЕ.…
ИЗЈАВА НА ДЕНОТ
Претседателот на САД, Доналд Трамп изјави дека ја одбил понудата на рускиот претседател Владимир Путин да посредува во ескалацијата на конфликтот меѓу Израел и Иран.
„Разговарав со него вчера и, знаете, тој всушност понуди да помогне во посредувањето. Реков, направи ми услуга. Посредувај сам“, им рече Трамп на новинарите. „Ајде прво да посредуваме со Русија, во ред? Реков, Владимир, ајде прво да посредуваме со Русија. Можеш да се грижиш за ова подоцна.“
РЕГИОН
Ослободени од притвор сите осомничени за падот на настрешницата во Нови Сад
Апелацискиот суд во Нови Сад го укина притворот на уште петмина осомничени во случајот со падот на бетонската настрешница на железничката станица во тој град, кога загинаа 16 лица. Тие беа осудени на домашен притвор од три месеци.…
СВЕТ
Израелска болница директно погодена од иранска ракета, Израел го нападна иранскиот реактор за тешка вода во Арак
Болница во Бершеба во јужен Израел е директно погодена од иранска ракета. Болницата Сорока е значително оштетена, вели портпарол, додека израелската служба за итни случаи вели дека повеќе од 30 лица се повредени.…
ФОРУМ
ПРАШАЊЕ НА ДЕНОТ: Зошто граѓаните треба да ги платат адвокатите на Мијалков?
Во јавноста повторно се отвори прашањето околу трошоците за правна одбрана на поранешниот директор на УБК, Сашо Мијалков. Дел од медиумите и правни извори информираат дека постои можност државата, односно граѓаните, да ги покријат трошоците за неговите адвокати во еден од судските процеси во кој тој беше обвинет.
Кој е вашиот став? Пишете ни во коментари или пораки. Учествувајте.
Редакција ЦивилМедиа ги повикува сите заинтересирани граѓанки и граѓани да одговорат на ова, но и на претходните прашања на денот во коментарите на објавата.
КОНТЕКСТ
Бурна реакција по судската одлука во случајот Мицскоски – Дерала
Претседателот на ЦИВИЛ-Центар за слобода, Џабир Дерала, кој во случајов е предмет на тужење од страна на актуелниот премиер Христијан Мицкоски, во јавно обраќање посочи дека и покрај политичкиот притисок и обидите за заплашување преку исцрпувачки судски процес, останува цврсто посветен на вистината, транспарентноста и демократските вредности.
СЛОБОДНА ЗОНА
Секое посегнување по правосудниот систем и барање негова заштита е слабост на лидерот кој не ја разбира положбата и одговорноста што ја носи тој статус. Ако не сакаш да пливаш во такви води не влегувај во водата е народна мудрост. Замолчувањето на новинарите е чекор кон авторитарно владеење, а не демократски систем каде секој магистрат и е одговорен на јавноста и законот. А ако нема јавност законот е со заврзани очи. Џабир одговара пред јавноста и законот што нема врзани очи, пишува Војо Маневски во текстот „Замолчувањето на новинарите е чекор кон авторитарно владеење“ напишан по повод одлуката на Апелациониот суд кој деновиве ја потврди пресудата на Основниот граѓански суд во Скопје, во судскиот процес што траеше две години, а во која Христијан Мицкоски и неговиот близок соработник, Панче Тошковски го тужеа Џабир Дерала за клевета поради текст пренесен од други медиуми.
Подготви: Д. Мишев
