Израел беше погоден од нов бран ирански ракети во четврток наутро, при што голема болница на југот претрпе „голема штета“, според официјални лица., пренесува Би-би-си.
Болница во Бершеба во јужен Израел е директно погодена од иранска ракета. Болницата Сорока е значително оштетена, вели портпарол, додека израелската служба за итни случаи вели дека повеќе од 30 лица се повредени.
Во Иран, израелската војска вели дека целта на нападите биле нуклеарни објекти, вклучувајќи го реакторот за тешка вода во Арак и објектот Натанц, нуклеарен објект во близина на центарот на земјата, без пријавени поголеми штети.
Нападите доаѓаат откако Доналд Трамп ги одобри плановите за напад врз Иран, но не донел конечна одлука дали да ја нападне земјата, објави американскиот партнер на Би-Би-Си-Би-Си.
Американскиот претседател одржа состанок во Ситуациската соба за да разговара за опциите на САД. Иако претходно изјави дека неговото трпение „веќе е исцрпено“ со Техеран, Трамп посочи дека сè уште не донел конечна одлука дали САД ќе се вклучат.
Претходно, Трамп рече „Можеби ќе го направам тоа, можеби и нема да го направам“, кога беше прашан дали САД ќе се приклучат на израелските напади врз Иран
Обидот да се избегне продолжување на конфликтот стана врвен императив на Трамп, изјавија извори за Си-ен-ен. Иако е отворен за аргументи, вклучително и од Израел, дека само САД можат решително да ги прекинат нуклеарните амбиции на Иран, тој е претпазлив да не се заглави странски конфликт за кој вети дека ќе го избегне, велат изворите.
Врховниот лидер ајатолахот Али Хамнеи во национално обраќање рече дека Иран нема да се предаде и предупреди дека секоја воена интервенција на САД ќе резултира со „непоправлива штета“.
Д. Мишев
