ВЕСТ НА ДЕНОТ
Во хеликоптерска несреќа загина иранскиот претседател Ебрахим Раиси
Иранскиот претседател Ебрахим Раиси загина во хеликоптерска несреќа. Покрај Раиси, загинаа и и иранскиот министер за надворешни работи Хосеин Амирабдолахиан, гувернерот на Источен Азербејџан Малек Рахмати, претставникот на иранскиот врховен лидер во Источен Азербејџан Мохамад Али Але-Хашем, шефот на претседателската гарда Мехди Мусави, пилотот на хеликоптерот, копилотот и екипажот, јави иранската државна новинска агенција ИРНА и државната телевизија.
Раиси беше избран за претседател во 2021 година, нашироко гледан како избор на врховниот водач Али Хамнеи, по кариерата во иранското правосудство. Додека беше на функцијата, тој го надгледуваше заострувањето на моралните закони, насилните задушувања на антивладините протести и првиот директен напад на Иран врз Израел.
ИЗЈАВА НА ДЕНОТ
ЕК ги повика Скопје и Атина да се држат до Договорот од Преспа
„Добрососедските односи и регионалната соработка остануваат суштински за процесот на проширување. Постојните билатерални договори треба да се спроведуваат со добра волја од сите страни, вклучително и Договорот од Преспа меѓу Северна Македонија и Грција“, изјави портпаролот на Европската Комисија за „Еурактив“.
ФЛЕШ ВЕСТИ
ИЗБОРИ Ахмети обвинува за тајни договори по одлуката за прегласување; Касами: Не сме заинтересирани за никаква криза.
Договорот од Преспа е меѓународен ратификуван договор и не може да се менува и да се ревидира еднострано, изјави министерот за надворешни работи на Грција Јоргос Герапетритис за грчкото радио „Talk radio 98.9.
ИНТЕГРАЦИИ „Започнатите процеси во преговорите со ЕУ треба да продолжат да ја исполнуваат стратешката цел за полноправно членство, имплементација на Планот за раст на Европската Комисија со големи придобивки за сите граѓани на државата, регионот и Европа, се наведува во соопштението од Секретаријатот за европски прашања за средбата.
ВОЈНА ВО УКРАИНА
Русија погоди одморалиште во близина на Харкив и ги нападна околните села, при што загинаа најмалку 11 луѓе, а повеќе се повредени.
Ракетните напади се најнови во серијата континуирани руски напади во последните недели врз регионот на вториот по големина град во Украина во североисточна Украина, каде руските сили започнаа офанзива.
АНАЛИЗИ
Изјавите на Силјановска – Давкова и Мицкоски поттикнуваат хајка против Кацарска и „неподобните“ судии и обвинители– од Драган Мишев
Што и колку направи ЦИВИЛ во текот на четиримесечниот мониторинг на изборниот процес?, од Назми Абдурахмани.
СЛОБОДНА ЗОНА
„ИСТОРИСКИ ПАРАЛЕЛИ: Кога вистинските херои бргу ги ставаат во музеите“, од Љубомир Костовски.
„Летово Путин може да нападне уште една земја“, од Евгениј Дајнов.
„Маневар по внатрешните линии“, од Елена Михајлова Стратилати.
„Големиот пораз на Курти“, блиц коментар од Љубомир Костовски.
„Дајте им крилја на децата, не знамиња!“, Брза пошта од Корнелија Конеска.
Резиме „Чекајќи ги варварите“, од Борко Зафировски.
Подготви: Д. Тахири
