Oткако Управниот суд ги одби како неосновани сите седум тужби од коалицијата „Европски фронт“ против решенијата на ДИК, веќе е извесно дека ќе има прегласување на седум избирачки места, односно во петтата и шестата изборна единица.
Поради ваквата одлука на Управниот суд и на ДИК, ДУИ како водечка партија на коалицијата „Европски фронт“ обвини дека се прави изборен инженеринг со цел на партијата да и се одземат две освоени пратенички места.
Од коалицијата ВЛЕН ја поздравија одлуката на Управниот суд, велејќи дека оваа одлука е на иста линија со изразената волја на граѓаните на 8 мај. Бидејќи трката за уште еден пратеник за ВЛЕН ќе се одржи на избирачкото место 2101 во Желино, ги повикаа граѓаните да излезат и да гласаат што помасовно.
„Ја поздравуваме одлуката на Управниот суд која е во согласност со волјата што ја изразија граѓаните на 8 мај. Оваа одлука уште еднаш докажува дека доаѓа надежта за граѓаните во земјава, а манипулациите и криминалот на оваа хибридна власт паѓаат“, истакнаа од ВЛЕН.
Ахмети обвинува за тајни договори во „црвени подруми“ и задни намери за „братоубиство“
Таен договор Европскиот фронт да не биде втора сила во земјата направен во „црвените подруми“, кој може да влијае врз меѓутеничките односи рече лидерот на ДУИ и Европски фронт Али Ахмети во неодамншениот состанок на партијата по одлуката што ја донесе ДИК и ја потврди Управниот суд за прегласување на седумте избирачки места.
Првиот човек на оваа партија Ахмети рече дека тоа се прави за да се вовлечат Албанците во братоубиства.
„Ова повторување е направено со уште поопасна позадина за да нè воведе нас Албанците во братоубиство. Како што направија во едно избирачко место во општина Желино“, рече Ахмети.
Според Ахмети, овие планови во „црвени подруми’ ги креираат ВМРО и СДСМ, велејќи дека ги знае сите детали и наскоро ќе ги демаскира.
Касами: Овие се сериозни и ризички изјави
На овие изјави реагираше Билал Касами, еден од лидерите на коалицијата ВЛЕН. Тој рече дека тие се многу сериозни и опасни изјави, нагласувајќи дека Али Ахмети знаел да дава вакви изјави и во минатото.
„И во минатото, поточно во 2008 година, меѓу Али и Мендух, кои денес се заедно, беше договорено да има братоубиство. Ние како коалиција ВЛЕН покажавме како и во минатото, така и сега покажуваме дека не сме заинтересирани за никаква криза и конфликт, а камоли некоја посериозна ситуација. Ќе побараме граѓаните во среда да излезат на најдемократски начин да ја дадат својата пресуда и својата волја и да покажат од кого сакаат да претставуваат во Собранието“, рече Касами, наведувајќи дека тоа е одлука на граѓаните и дека нема пришина зошто би имало братоубиство таму каде што треба да има слободни, фер и демократски избори.
Прегласувањето на 22 мај (среда) ќе се случува на избирачките места во Долнен, Крушево, Струга, Охрид и Желино. Кампањата за прегласување ќе трае до крајот на денешниот ден, а на полноќ почнува предизборниот молк.
Назми Абдурахмани
