пишува: САШЕ ИВАНОВСКИ
Целата оваа хајка против СЈО е смислена од кујната во белиот дворец, за жал сите влетавме во нивната мрежа како кленови.
Лесно е народот да се надразни со големи суми кои за него се само мислена именка.
Но 30 години во земјава такви бонуси се делат во АЕК, ГАМА, МАК-НАВ, сите шефчиња на аеродром се со плати од 2000 е па нагоре…
Да не зборам па за разните додатоци за пратеници итн. итн…
Од друга страна луѓето во СЈО беа дел од еден напор да се стави мафија во затвор и тоа беше голем ризик за тие луѓе.
Да ве потсетам колку само црна пропаганда се излеа против нив, им се знае целата приватност, омразата кон нив во фан базата на ВМРО е голема, тие луѓе секој ден може да бидат физички претепани во некој град од бастионите на ВМРО во земјава…
Колку ли само закани имале, и сигурно се на црна листа кога ВМРО ќе се врати на власт овие луѓе ќе бидат апсени, малтретирани, ставени на црна листа никогаш да не се вработат, одмаздата ќе биде жестока…
Мафијата претрпе голема загуба и стрес поради овие херои од СЈО, се разбегаа по цел свет, фамилии оставија, фирми им пропаднаа, власт изгубија, некои како Сеад и Ѕинго мораа да вратат 17 милиони евра назад во буџетот, а да знаете колку само тешко се земаат пари од Ѕинго, човекот е познат во Кратово, него прво душа ќе му земеш отколку пари да му земеш…
Лично бев запрепастен кога еден Павле Трајанов на прес бараше обвинителите од СЈО да си поднеле оставки и да ги врателе парите?!?!?!
Еееј, еден Павле Трајанов се дрзна ова да го каже кој беше во коалицијата со ВМРО ДПМНЕ и гласаше во собрание и владееше со режимот кога се случувале тие пљачки и тие зулуми…
Он ќе ги врати ли парите што ги земал како пратеник за таа срамна ера?! Он најде да плука по СЈО, бев на таа конференција и од шок ми се тресеше телефонот, бев запрепастен колку е широка мрежата која ја плете мафијата во неа се фатени и коалициски партнери на СДСМ во владата….
Шокиран сум и што еден уставен судија од ДУИ, Осман Кадриу е дел од иницијативата да се врати амнестијата на Хорхе, што значи и дека ДУИ е дел од мрежата која ја плете мафијата….
Што да се каже за едни Милчин и Геровски, за еден Калајџиев, за еден Сафет Бишевац кој сега не се симнува од тв за да го врати ВМРО, а беше пратеник на листа на СДСМ по срамното затворање на А1?!?!?!
Кој уште ќе нѐ разочара, кој ќе нѐ предаде, кој ќе ни го скрши филмот дека нема големи луѓе, дека секој има цена, дека сите сме расипана човечка роба со рок на траење?!?!
Додека ние урламе по СЈО, нивните предмети фаќаат прашина на полиците во ОЈО, ОЈО наместо да ги активира за да не застарат тие се фатија на ороото, се повеќе се плашам дека Русковска и Јовески се дел од мафијашката мрежа, некако ми се многу сомнителни во последно време…
Се надевам народот сето ова го гледа и жестоко ќе го казни ВМРО ДПМНЕ кое стои зад сите овие играрии и ја диктира медиската хајка и темите на денот, и дека ќе му дадат 50-60 пратеници на Заев конечно да ја донесе таа ПРАВДА во земјава преку ветинг на судии но и обвинители…
А што правиме со ВЕТИНГОТ на експертутките кои го помагаа режимот а сега не се симнуваат од тв?
Пандов секој ден е на тв и се заканува со бесење и прогон, Филип Петровски исто, дури и оној Камиловски кој се прослави со изјавите дека на 27-ми април требало да се коља и да има крв до колена?!
Сите тие кои 10 години го помагаа режимот молчеа за бомбите сега се ужаснати од РЕКЕТ и од бонусите на СЈО, но никој не ги прашува чекајте бе дечки, со кој образ вие сте на тв пак кога помагавте режим, бевте платени од тој режим, молчевте за бомбите дури ве видовме и на 27-ми април во собрание меѓу толпата а со настапите го хушкавте народот за да дојде до кланицата?!
Нашите телевизии кои бркаат рејтинг не пазат кого викаат во емисија, дали личностите заслужуваат да добијат микрофон и етер за да шират промашени тези…
Чудно, падна режимот, а режимските куртони ништо не им фали, нити се срамат од своети минато нити пак некој ги осудува, се е некако во рамките на демократијата?!?!
За крај уште ова. ВМРО ДПМНЕ секогаш ќе има свои верни новинари и експертутки.
Но секогаш ќе смета на вистинските новинари и аналитичари да одработат за нив да ги ловат грешките на СДСМ и кога ќе дојдат на власт, први на удар ќе бидат токму тие вистински новинари и НВО активисти и аналитичари, тоа е перверзијата која 30 години ја краси ВМРО ДПМНЕ како партија која целата своја политичка активност ја базира на лага, популизам, стереотипи, омраза, пљачка!