„Од една страна мојот впечаток е дека сите станавме свесни дека не можеме да се залажуваме дека дезинформациските кампањи кои се стратешки, тактички, политички и економски мотивирани кампањи кои играат со „ниски удари“, кои изразито ги искористуваат лошата регулација и уште полошиот мониторинг на просторот од медиумите, каде сите институции каскаат позади дигитализацијата на која сме сега изразито изложени.“, вели Марина Шкрабало од „Солидарна“, Република Хрватска, на денешната панел дискусија на ЦИВИЛ „Црната пропаганда против граѓанското општество“.
Таа истакна дека оваа валкана игра ќе остане, и додава дека на нас е подобро да се припремиме и заштитиме и притоа да бидеме реални со кој капацитет располагаат независните новинари, активистите и прогресивните граѓаните кои се мета на црната пропаганда.
„Главната мета не се новинарите, туку демократијата и концептот на демократијата. Тие сакаат да го отсечат концептот на демокртатијата кој се темели на човековите права и на концептот на различностите, а не на хомогеноста.“, потенцира Шкрабало.
Марина наведе неколку примери низ кои треба да им се покаже на граѓаните што значи поддршка, што значи – нам ни е грижа за животите на сите вас и да се раскажуваат приказни за тоа колку млади луѓе не се убиле затоа што постојат ЛГБТ организации и колку луѓе не се отселиле зашто можат да се чувствуваат како субјекти, како креативни агенти, зашто нашле простор за културно изразување, кои во спротивно, тие уметници би заминале во странство.
„Мора да се обидеме тоа да го спроведеме во конкретен инпакт и тоа да се комуницира континуирано и да се води сметка за тоа дека во многу сиромашните општества во кои луѓето се ужасно исфрустрирани и реагрираат цинично на сè што е „шуплива приказна“. Ние во Солидарна, научивме дека огромниот труд што го вложуваме во хуманитарни работи, треба да го пласираме на јазикот со кој тие луѓе ќе нè разберат.“, рече Шкрабало.
Шкрабало вели дека постојат дилеми и за тоа кога и како тактички да се постапи со црната пропаганда, дали нештата да се демантираат, да се покренуваат постапки или да се игнорираат.
„Окупацијата на правосудството каде сè уште се фабрикуваат лажни постапки, создавањето шум во јавноста за да се добие перцепција дека сите само се тужат итн. сето тоа е навистина многу лизгав терен и она што ни е нам важно се меѓусебните консултации, добро да се поврземе, да созадаваме капацитети за стратешки одговор, а тоа значи добри сојузи со адвокати, со правобранителство, помеѓу активисти и новинари, тактичка размена на информации и да сме свесни за тоа дека „тие се тука за да останат“, заврши Шкрабало.
