Со денови, жителите на Киев се подготвуваат за конвојот од руски тенкови, оклопни возила и влечена артилерија долга околу 64 километри што се очекува да го нападне главниот град на Украина.
Што се случува со конвојот?
Во четвртокот, британското Министерство за одбрана рече дека конвојот се чини дека застанал на околу 30 километри (19 милји) надвор од Киев и дека постигнал „мал забележлив напредок“ во изминатите три дена, повикувајќи се на разузнавачки информации.
„Главното тело на големата руска колона што напредува кон Киев останува на повеќе од 30 километри од центарот на Киев. Напредувањето е одложено поради силниот украински отпор и механичките дефекти. Колоната постигна мал забележлив напредок за претходните три дена“, се вели во соопштението.
Портпаролот на Пентагон, Џон Кирби, во средата вечерта изјави дека додека конвојот и поширокиот притисок на Русија кон Киев „остануваат во застој“, постои значителна загриженост „дека можеби прозорецот се затвора за да може да се добие помош во градовите кои може да станат под опсада“.
Висок официјален претставник на американската одбрана им рече на новинарите дека иако конвојот има недостиг од гориво и храна, САД оценија дека Русите „повторно ќе учат од овие погрешни чекори и сопнување и ќе се обидат да ги надминат“.
Закочениот напредок на конвојот може да создаде повеќе стратешки проблеми за Русија
Прво, како клучна руска линија за снабдување за секој голем напад врз Киев, тој е многу голема неподвижна мета за украинските сили кои се борат против инвазијата.
Второ, стоењето во место во конвој долг 64 километри со денови, може да го земе данокот врз моралот и дисциплината на руските војници пред големата воена операција.
Украинскиот претседател Володимир Зеленски изјави дека жестокиот украински отпор го нарушил моралот на Русија.
„Се повеќе и повеќе окупаторски војници бегаат назад во Русија, од нас, од вас… ние сме нација што ги сруши плановите на непријателот за една недела – плановите што тие ги граделе со години“, рече тој во објава на Фејсбук.
Последните проценки за конвојот доаѓаат откако руската војска ги објави првите податоци за жртвите од војната, велејќи дека 498 нејзини војници загинале, а уште 1.597 биле повредени. Во соопштението на ОК во четвртокот се вели дека „вистинскиот број на убиени и ранети речиси сигурно ќе биде значително поголем и ќе продолжи да расте“.
Извор: Си-Ен-Ен
преземено од Фронтлајн
