ВЕСТ НА ДЕНОТ
ОБСЕ претседавањето ќе заврши со најголемата конференција што била некогаш организирана во Република Северна Македонија. Над 70 министри за надворешни работи ќе дојдат во Скопје, од министерот за надворешни работи на САД, на Русија, на сите европски земји, на азиски земји, информира на денешниот брифинг министерот за надворешни работи Бујар Османи, кој најави дека претседавањето со ОБСЕ ќе не чини пет милиони евра.
Подготовките, како што рече министерот, веќе ги имаат сериозно почнато, бидејќи ОБСЕ има одреден правилник за стандардите коишто треба да се исполнат. Османи посочи оти сметаат дека СЦ „Борис Трајковски“ може да ги задоволи безбедносните потреби за одржување на оваа конференција.
ИЗЈАВА НА ДЕНОТ
Османи: Како претседавачи со ОБСЕ влегуваме со мотото „Се работи за луѓето“
„Во политиката ние некогаш сметајќи дека се занимаваме со голема политика, со големи иницијативи, со големи интереси, забораваме дека на било која позиција, дали на нашите национални влади, меѓународни организации, остануваме да делуваме цел ден за луѓето, за да се намали страдањето на луѓето пред се во конфликтните региони, за да се олесни на луѓето, за да може да се интегрираат, да се рехаблитираат. Имајќи го предвид ова наше искуство, преку нашата ОБСЕ мисија, сметавме дека ако некој знае што значи улогата на ОБСЕ на терен и нејзините инструменти – тоа сме ние. И затоа рековме дека пораката што ќе ја испратиме преку нашето претседавање е преку тие состаноци на Постојаниот совет во Виена е дека „да, вие мислите дека правите голема политика, но на крајот луѓето се големите корисници на сето тоа што ние го правиме, рече Бујар Османи, министер за надворешни работи.
ВОЈНА ВО УКРАИНА
Премиерот Денис Шмихал и честиташе на Северна Македонија за почетокот на претседавањето со ОБСЕ и рече дека се надева на дополнителна поддршка за Украина.
„На 31 декември 2022 година, Украина изведе ракетен напад врз училишна зграда во градот Макијивка, кој е контролиран од Русија, во близина на градот Донецк, која Русија со голема сигурност ја пренамени за воена употреба. Зградата беше целосно уништена и, како што потврди руското Министерство за одбрана, загинаа 89 руски персонал“, објави Министерството за одбрана на Обединетото Кралство на Твитер, повикувајќи се на разузнавачки податоци.
AL-PRESS
Редакциски избор од албански медиуми:
Лансирани во вселената сателитите Албанија 1 и Албанија 2, револтирани косовски Срби ќе протестираат против Вучиќ и „Српска листа“
ФОТО НА ДЕНОТ
Скопје, 4 јануари 2023 година. Автобус на ЈСП од кинеско производство се пробива низ скопската магла.
ФЛЕШ ВЕСТИ
ЕНЕРГЕТИКА Над 675 компании користат субвенции за струја, до 20 јануари продолжен рокот за аплицирање, соопшти ЕСМ.
ЕПИДЕМИЈА Европската агенција за безбедност на храна минатата недела објави дека Европа повеќе од една година страда од најразорната епидемија на птичји грип во историјата. Ситуацијата во Македонија засега е под контрола, потврдува директорот на Агенцијата за храна и ветеринарство, Николче Бабовски, кој вели дека во нашата земја нема потврдени случаи на птичји грип.
ЗДРАВСТВО Рано утрово на Хируршките клиники започна експлантацијата на црн дроб, бубрези и на коскени ткива, откако вчера попладне семејството на пациентка во мозочна смрт даде согласност за донирање, информираат од Министерството за здравство
ПЕРСПЕКТИВИ 2023
Перспективи 2023: Јордановска за изборите и зелените политики
„2022 година беше година на кризи. Заврши кризата предизвикана од пандемијата на коронавирус, продолжи кризата предизвикана од руската агресија во Украина. Порастот на цените на основните прехранбени производи, енергијата, инфлацијата, неизвесноста и цикличните политички кризи ја карактеризираа 2022 година… Ќе биде многу подобро од оваа година. Светот веќе успешно ги преброди шоковите од пандемијата и војната во Украина. Северна Македонија му припаѓа на Западот, кој веќе најде начини да управува со енергетските или геополитичките кризи. Западот не е географија, туку вредности што значат демократија, слобода, еднаквост, владеење на правото, солидарност и човечко достоинство. Сè додека земјата ќе продолжи да ги негува овие вредности, нема да има причина за грижа. Блокадите кон ЕУ мора да бидат минато“, вели политичкиот аналитичар Џелал Незири, како дел од „Перспективи 2023“.
СЛОБОДНА ЗОНА
„Истовремено јанѕи и јад ме обзема затоа што ние во Македонија сѐ уште немаме јасна претстава каде припаѓаме. Навистина, анкетите сѐ уште покажуваат дека е голема поддршката на граѓаните на Македонија за членство во ЕУ, но тоа повеќе наликува на необврзувачки партиски декларативни изјаснувања кои се далеку од европскиот идентитет на Македонија. Сите се за ЕУ, ама го нема тој решителен притисок на јавноста врз политиката како единствена мерка на успешноста да биде влезот во европското семејство.Тоа е така затоа што се пресилни дилемите и сомнежите на академските и интелектуални средини, на масовните медиуми за тоа каде припаѓаме, какви сѐ други подобри алтернативи постојат освен ЕУ. Се оди дотаму, Кина да нѐ храни, Русија да нѐ брани“, пишува Ерол Ризаов во „Имаме ли јасна претстава каде припаѓаме“
„Vitiate lapidem longum tempus – оваа погоре цитирана изрека на папата Франциск добро го отсликува резултатот од долгото и трпеливо очекување на МПЦ – Охридска архиепископија да биде признаена и официјално од другите православни цркви. Освен трпението тука помогна и дипломатијата, а пред се синхроницитетот на настаните – Преспанскиот договор и руско-украинската војна која го забрза затворањето на отворените црковни прашања“, пишува Љубомир Костовски во „Признавањето на МПЦ: Должината на времето покренува камења“
Б. Јордановска
