Република Чешка и Украина можеби не се соседи, Прага е далеку од Киев географски, но блиску ни се срцата. Украинците се во срцата на сите граѓани на Република Чешка. Така беше од самиот почеток на бруталната руска агресија врз Украина, вели амбасадорот на Република Чешка, Јарослав Лудва, на конференцијата „Украина: Година на хероизмот“, што се одржа на 24 февруари во организација на ЦИВИЛ –Центар за слобода и Амбасадата на Украина во Република Северна Македонија.
„Подготвив одредени цифри, но сметам дека руската агресија врз Украина не е само цифри, туку чувства и подготвеност да се помогне. Не е битно колку голема е таа помош, затоа што секоја земја има различна способност и големина. Но, треба да се има и најбитно е да се има порив за помош. Споменав во Чешка, Украина и беше секогаш најдобар пријател на Чешка. Можеби некои беа рамнодушни претходно, но откако започна војната, јас позитивно бев изненаден од реакцијата, дури и на оние кои што некако претходно беа рамнодушни. И сега целата нација е со Украина.“, вели Лудва.
Чешкиот амбасадор се осврна на поддршката за украинските бегалци во Чешка, во форма на хуманитарна помош и олеснување на интегрирањето во општеството.
„Република Чешка е традиционална дестинација за Украинци, за украинските работници, имавме и претходно во големи броеви, уште пред да започне војната, а и сега е главна дестинација за украинските бегалци. Досега, имаше повеќе од половина милион на кои што им е даден статус на привремен престој, а сега има повеќе од половина милион бегалци во Република Чешка, како и оние кои што живеат и работат во Република Чешка, околу 900,000 Украинци кои што живеат во Република Чешка. Имаме и поддршка од државниот буџет за бегалците во Република Чешка. Нешто повеќе од еден милион евра и згора на тоа има хуманитарна помош, и тоа значителна хуманитарна помош на внатрешно раселените бегалци во Украина, како и оние во Молдавија. Украинците не само што живеат во Република Чешка, туку значителен број од нив, скоро 170,000 од нив имаат веќе најдено работа на пазарот на труд во Чешка и се интегрираат добро во општеството. Исто така, има одреден број луѓе кои што студираат во чешките училишта, околу 50,000 ученици во основно и средно образование во Чешка Република. Исто така, има значителна воена помош која изнесува 3 милион американски долари. Но, како што реков претходно, оваа агресија не се сведува само на бројки.
Станува збор за тоа Европејците да си ги откријат вистинските чувства и во вистинскиот момент да им помогнат на оние кои што имаат потреба од помош, односно на Украинците. Слава на Украина.“, порача Лудва.
Транскрипција и превод : Наташа Цветковска
Камера: Атанас Петровски/ Александар Ризински
Реализација и монтажа: Ариан Мехмети
Фотографија: Ангел Ангеловски
