ЕУ и САД ќе работат заедно на воспоставување минимални стандарди за вештачка интелигенција пред да се воспостави европското законодавство во таа сфера. Извршната потпретседателка на Европската комисија, Маргрет Вестагер денеска најави дека процесот на усогласување на европскиот закон за вештачка интелигенција може да потрае до крајот на годината, објави Ројтерс.
Потоа ќе ни треба една година, ако не и две, за законот да стапи на сила, што значи дека треба да направиме нешто за да го премостиме тој период, нагласи таа.
Вестагер додаде дека вештачката интелигенција ќе биде една од главните теми на собирот на Трансатлантскиот совет за трговија и технологија, што ќе се одржи на 30 и 31 мај во Шведска.
„Постои заедничко чувство дека работата е итна. За да го извлечеме максимумот од оваа технологија потребни ни се заштитни бариери“.
Лидерите на земјите од Г7 во саботата го поддржаа развојот на техничките стандарди за вештачката интелигенција да продолжи да биде „кредибилна“ и повикаа на широка меѓународна дискусија на оваа тема, но Вестагер изјави дека такви дискусии се уште не се одржани.
Можеме ли да разговараме кој е минимумот што очекуваме да го направат компаниите во однос на вештачката интелигенција, пред законот да стапи на сила, праша Вестагер.
Г. Т.
