Според израелскиот министер за одбрана Јоав Галант, Израел ќе ги продолжи „интензивните борби против Хамас„ уште најмалку два месеци, по завршувањето на „краткото примирје„.
Галант им се обрати на членовите на единицата за специјални операции на израелската морнарица.
„Тоа што ќе го видите во наредните денови е прво ослободување на заложниците. Тој одмор ќе биде краток“, рече тој, пренесува МИА.
Галант им порачал на војниците за време на примирјето „да се организираат, да се подготват, да истражуваат, да надополнуваат оружје и да се подготват да продолжат“.
„Ќе има продолжение затоа што треба да ја комплетираме победата и да создадеме поттик за следната група заложници кои ќе се вратат само како резултат на притисокот. Се очекуваат уште најмалку два месеци борби“, рече Галант.
Четиридневниот прекин на огнот меѓу Израел и Хамас почна изутринава.
