Во просториите на Државната изборна комисија (ДИК), денеска ќе гласаат 325 членови на избирачките одбори кои ќе го спроведуваат гласањето на предвремените парламентарни избори закажани за недела, 11-ти декември, во дипломатско-конзуларните претставништва и во конзуларните канцеларии на Република Македонија.
На посебниот Избирачки список се запишани 230.122 лица, за кои, согласно евиденцијата на надлежен орган, се смета дека се на привремена работа во странство, а за гласање во дијаспората – ДИК ги прифати пријавите на 20.573 граѓани.
Во странство, пријавените гласачи од дијаспората ќе гласаат во 46 дипломатско-конзуларни претставништва и во конзуларни канцеларии, во сабота на 10-ти декември, од 7 до 19 часот, по локалното време. Најмногу пријавени за гласање има во Берн – 4.256, во Венеција – 2.724, во Детроит – 1.170, во Њујорк – 1.168 и во Мелбурн – 1.112.
