Руски суд донесе затворска пресуда за американски војник поради смртни закани и кражба, јавија државните медиуми во Русија. Гордон Блек е осуден на три години и девет месеци затвор од судот во Владивосток.
Тој беше приведен откако жената, која руските медиуми ја именуваат како Александра Вашук, по расправија го пријавила во полиција.
Вашук го обвини Блек дека и украл околу 10.000 рубли (100 евра) и рече дека физички ја нападнал.
Блек се изјасни за „делумно виновен“ за кражба и невин за заканата дека ќе ја убие Вашук, објавија руските медиуми, пренесува новинската агенција МИА.
Двојката се запознала во октомври 2022 година на апликацијата Тиндер во Јужна Кореја и се запознале таму, пред Вашук потоа да го покани да дојде во Владивосток.
Неговиот адвокат има намера да поднесе жалба на пресудата.
Во Русија започна судењето на американскиот војник Гордон Блек
