Во интервјуто за ЦИВИЛ Медиа, Д-р Волфганг Ресман, претседател на Media Dialogue / Y4M, Германија на прашањата за демократија, човековите права и медиумската слобода во Европа, посочи дека демократијата и демократските медиуми се под притисок, од неколку различни причини.
Имаме неверојатен, целосен напад од Русија врз Украина, што исто така има голем импакт врз украинските медиуми, како економски, така и во заштитата на новинарите во воена состојба, една од најголемите закани што може да ги имаат медиумите, вели Ресман и додава: Но тоа не е се, имаме хибридни напади од Русија врз европските медиуми, како втора точка, новата конфронтација што ја сака Путин со западот и имаме проблем одвнатре, со десниот национализам, што исто така се бори против слободата на печатот, и против демократските медиуми, секако заради поврзаноста со Путин , какао АфД во Герамнија, кои, за да го аштитат авторитарисмот и особено национализмот, велат дека демокткатските медиуми лажат.
Ресман исто така нагласува дека друга точка е тоа што, и во Германија, демократскиот медиуми се под економски притисок, затоа што мрежите, како Фејсбук, имаат многу публика, и огласувачите одат на социјалните мрежи, со што квалитетното новинарство е под притисок.
Според Ресман, има неколку проблеми за решавање, во Германија имаат среќа што го имаат јавното радио, и медиумски систем што треба да го плати секое домаќинство, неколу евра месечно, што е голема стабилност, но е во комбинација со проблемите однадвор.
Така, смета тој, медиумите се под притисок од повеќе причини, особено источноевропските медиуми, Балканскиот регион, Србија итн. и ние навистина треба да се бориме за слободата на печатот, навистина треба да се боиме за солидна економска состоба на демократските медиуми, и секако да ја поддржиме Украина и украинското новинарство во време на војна.
-Пред се, на Украина и треба солидарност и поддршка., што значи: воена поддршка, што ќе ги направи силни во преговорите со Русија, треба да ги поддржиме за да нема други места на преговори, освен Украина, и да расчистиме дека воената поддршка за Украина е неопходна во овој критичен момент од војната, и за мне е апсолутно неприфатливо по втората светска војна, линиите да се менуваат со војна, смета Ресман.
Според него, треба да ја зајакнеме Украина, и истовремено, треба да го зајакнеме и цивилното општество во Украина, што значи поддршка за НВО, но истовремено и поддрчка за украинските медиуми и новинари.
Ќе биде успех да ги доведеме украинските здруженија на новинари заедно со германските, и исто така, заедно со новиот претседател на Европската федрација на новинари кој е од Хрватска, да ги донесеме заедно, да ги посочиме проблемите, и што е исто неопходно, да покажеме солидарност и поддршка, како што беше минатата недела со нашата колешка од Белорусија, Ксенија Халубович. И не е само солидарноста, туку и што може да научиме од новинарите кои морале да ја напуштата својата земја, само затоа што ја кажувале вистината. Преку нивното искуство може да видиме што ни се случува во нашата земја, кои опасности се кријат зад завесата и можат да излеат на виделина, истакна Ресман.
Тој исто така посочи дека треба да најдеме начин да поддржиме украински медиуми како пилот проект како да преживеат.
Ова се некои решенија, но секако и разговори со политичари, пратеници, и тие да дадат поддршка, вели Ресман.
Во контекст на во борбата со хибридните закани, др. Ресман истакна дека имаме неколку задачи , прво со употреба на законот, као во Германија кацд РТ, Раша тудеј се забранети, и немаат лиценца.
Второ, и поважно, е да се разговара , да се информира публиката што прават тие, исто да се користат проекти за медиумска писменост, како да се работи со медиумите, како да се препознаат лажните вести, исто така во комбинација со квалитетно новинарство, тоа е голема задача и за цивилното општество и НВО, да информираат, да се борат, и заедно да се спротивстават на активистите на хибридната војна и клептократите во Русија, смета Ресман.
Во контекст на политичката ситуација непосредно пред одржувањето на изборите во Германија, др. Ресман ја опиша како експеримент помеѓу три коалициски партии , социјал демократи, зелени и либерали, ситуација која имплодираше, а една од причините е руската агресија и запирањето на евтиниот гас. Според него, една од причините е што германките индустријалци и Владата немаа целосен увид на развојот на фашизмот во Русија, развојот на новиот фашизам на режимот на Путин, и ова преизвика трансформација, во комбинација со програмата за климатски промени, како шанса за иднината, што во моментот предизвикува многу невољи.
Ресман посочува дека во економијата, на пример во автомобилската индустрија, имаме трансформација кон електрични возила, што значи дека многу луѓе можат да ја изгубат работата во овој сектор, и да бараат работа во друг сектор, ова е еконоската основа на проблемот во Германија во моментов.
Политички, имаме проблем со екстремната десница, особено, но не и единствено во форма на ДДР, источниот дел од Германија. Исто е и во западните германски региони, каде што исто така има процеси на трансформација. Така, луѓето на безбедносен и економска база се менуваат и радикализмот добива шанса.
Ресман смета дека има голема потреба од промени, политички, и државата мора да покаже дека е силна, правно и економски. Инфраструктурата, патиштата , училиштата, универзитетите, куќите, има многу да се направи, исто и со железнички систем, кој во моментов е во критична состојба.
Тоа се задачите, и се надевам ќе видиме што ќе се случи со изборите , мислам дека нема опасност во германската политика да надвладеат екстремисти, не само од десничарите, мислам дака изборите се шанса демократската партија да ги реши проблемите ш то ги споменав. Да видиме што ќе се случи. Нема шанса да победи деснивата, моите предвидувања се за конзервативците и социјал демократите, ќе биде една стабилна средина и ќе мора да работат заедно за да ги решат проблемите што ги споменав.
Разговорот го водеше: Џабир Дерала
Камера и монтажа: Ариан Мехмети
