ВЕСТ НА ДЕНОТ
Животната средина во фокусот, 15 општини под лупа поради загадување
Правобранителот регистрира зголемен број претставки и во областа на животната средина. Освен веќе познатите поплаки за бучава, граѓаните се жалеле и за загадување на воздухот, водата и почвата. Формирани се предмети за загадувањето во 15 општини, чиј воздух е меѓу најлошите во Европа, и покрај тоа што општините тврдат дека преземаат мерки, покажува извештајот од Народниот правобранител за 2024 година.
Во извештајот повторно се нотира и појавата на таканаречени „фантоми“ – лица без матичен број и без можност за добивање лични документи, иако претходно беа донесени законски измени со цел решавање на овој долгогодишен проблем
ИЗЈАВА НА ДЕНОТ
НАТО за состојбите во БиХ: Нема да толерираме загрозување на мирот
„Го поддржуваме територијалниот интегритет и суверенитет на Босна и Херцеговина, во согласност со Дејтонскиот мировен договор. Дејтонскиот договор мора да се почитува и камен-темелник на стабилноста на Босна и Херцеговина“, изјави Радмила Шекеринска, поранешен потпретседател на Владата на Северна Македонија, која беше назначена за заменик генерален секретар на НАТО на крајот на минатата година.
РЕГИОН
Курти поднесе оставка од премиерската функција пред да положи заклетва како пратеник од ВВ
Избраниот пратеник на Ветевендосје, Албин Курти, поднесе оставка од премиерската функција непосредно пред да ја положи заклетвата како пратеник, јавуваат косовските медиуми. Ова го наведува во писмото упатено до Секретаријатот на Собранието на Косово.
СВЕТ
Трамп предлага кратења на буџетот на Стејт департментот и запирање на финансирањето на НАТО и ОН
Белата куќа на американскиот претседател Доналд Трамп предлага драматични кратења на буџетот на американскиот Стејт департмент, вклучително и запирање на речиси целото финансирање на НАТО, ОН и над 20 други меѓународни организации.
#DefendingDemocracy
Сеопфатен глобален патоказ за спротивставување на војната, национализмот и авторитаризмот – сега достапен во печатена форма и онлајн
По објавувањето на интернет, значајната публикација „Одбрана на демократијата и човековите права – извештај и препораки за политики“ сега е достапна и во печатена форма. Овој документ од 200 страни обезбедува храбри препораки за политики, критички согледувања и глобален повик за акција за демократијата во време на војна, национализам и авторитаризам.
ПРАШАЊЕ НА ДЕНОТ: Што мислите за мерката сите цени да бидат објавени на веб-страниците на трговските фирми?
СЛОБОДНА ЗОНА
„И не можат личните ставови, метафорите и себељубието проследено со поддршка од режимските новинари и клиентелисти да бидат супститут за нефункционалноста и безидејноста на твојот владин кабинет. Не смее твојата влада и ресорните министри да не спроведуваат законски одредби. Впрочем, спроведувањето на законите е уставна обврска на владата. Односно, како што ми посочи еден млад сопартиец, член на УМС и поддржувач на Фракцијата – „Владата, тоа е FAN CLUB Мицкоски““, пишува Оливер Андонов во „Нервоза: Зошто тоа Мицкоски е толку видливо нервозен?“
Подготви: Б. Јордановска
