Пратениците на косовското собрание и по шестиот обид не успеаја да го конституираат законодавниот дом, поради неизгласување на предлогот од ВВ, за претседател на Собранието, јавуваат косовските медиуми.
Во Албанија, Специјалниот суд го конфискува станот на поранешниот уставен судија Башким Дедја, осуден со 6 месеци прикривање и лажно пријавување, пренесоа албанските медиуми.
Во продолжение се поместени содржините од денешниот редакциски избор на ЦивилМедиа, од албанските медиуми во регионот.
КОСОВО
Коха нет: Конституирањето на Собранието не успеа ниту по шести пат
Конституирањето на косовското собрание пропадна по шести пат, јавува Коха нет.
По четврти пат, кандидатката на Самоопределување за претседател на парламентот, Албулена Хаџиу, не успеа да обезбеди повеќе од 57 гласови.
Нејзиното име беше ставено на гласање по предлогот што го даде пратеникот Глаук Коњуфца.
„Нашето единствено име е Албулена Хаџиу, за претседател на Собранието на Косово, ве молам за разбирање за да можеме да ја деблокираме ситуацијата во која се наоѓаме“, рече Коњуфца пред процесот на гласање.
РЕПОРТЕРИ: ЦИК ги објави кварталните трошоци на политичките субјекти
За целите на спроведување на Законот бр. 08/L-122 за финансирање на политички субјекти, кварталните извештаи за расходите (јануари – март 2025 година) на политичките субјекти претставени во Собранието на Република Косово се објавени на веб-страницата на Централната изборна комисија, пренесе Репортери.
Според овој закон, политичките субјекти ги доставуваат овие извештаи до Канцеларијата за регистрација, сертификација и финансиска контрола на политички субјекти (ZRCKFSP) и истите се објавуваат на веб-страницата на ЦИК и политичките субјекти.
ЛВВ потрошила 1 милион 734 илјади 872 евра, по неа следуваат ПДК 360 илјади 313 евра, ЛДК 155 илјади 334 евра и ААК 67 илјади 754 евра.
Газета Експрес: Нови апсења во Качаник во врска со убиството на полицаецот Лика
Се известува дека косовската полиција спроведува операција во Качаник, пренесе Газета Експрес.
Утрото на 22 април, косовската полиција спроведе голема полициска операција во Качаник, поврзана со убиството на полицискиот наредник Мухамед Лика.
Рејхан Бела, кој е осомничен за убиството на полицискиот наредник Мухамет Лика, по одлуката на Судот е испратен во притвор од 1 месец. Убиството е извршено за 47 секунди.
Според досието, на 01.04.2025 година, околу 23:00 часот, во Качаник, соодветно на 2-ри кат, од влезот на зградата, малолетникот, во соизвршителство со возрасните Хаки Бела, Рилинд Мурати, Ватан Чака, Едмонд Лика, Шкелќим Кука и Дијаманд Гаши, намерно и со претходна подготовка, го лишил од живот водникот Мухамет Лика, како што е опишано во досието.
АЛБАНИЈА
Коха јоне: Специјалниот суд го конфискува станот на поранешниот претседател на Уставниот суд, Башким Дедја
СПАК и ЃККО продолжуваат да ги казнуваат поранешните високи правосудни службеници и корумпираните службеници, пренесува Коха јоне.
Специјалниот првостепен суд за корупција и организиран криминал го конфискуваше имотот на поранешниот претседател на Уставниот суд, Башким Дедја.
На барање на Специјалното обвинителство за корупција и организиран криминал, GJKKO одлучи да го конфискува „недвижниот имот (стан) заведен со бр. ****, том ****, страница ****, со површина од 60 м2, кој се наоѓа во катастарската област ****, административна единица ****, општина ****, заведен на име на граѓанинот Л.Д., запленет со решение бр. 08, од 20.04.2021 година на Специјалниот првостепен суд за корупција и организиран криминал, и негово отстапување во корист на државата, наредувајќи го итно извршување на ова решение“.
Пред два месеци, Специјалниот апелациски суд ја потврди казната што Првостепениот суд му ја изрече на поранешниот претседател на Уставниот суд, Башким Дедја, со 6 месеци затвор за прикривање и лажно пријавување и ја претвори мерката во условна казна.
КОЛУМНА
Коха: Политичките тактизирања и калкулации ќе го чинат Косово
„Создавањето институции по изборите не е фудбалска игра. Човек не влегува во игра со тактики и пресметки за да го изненади противникот, ниту со очекување дека ќе се случи некое изненадување во текот на играта и дека резултатот на крајот ќе биде поволен.
Сè што видовме од изборната ноќ до денес нè наведува да веруваме дека Косово нема да има стабилна влада која би можела да донесува витални одлуки за земјата. На меѓународната сцена, ова значи стагнација, без членство во Советот на Европа и без движење кон ЕУ. Исклучувачкиот пристап на политичките партии ги направи пратениците од малцинствата одлучувачки фактори.“, пишува Авторот Аугустин Палокај во колумната „Политичките тактизирања и калкулации ќе го чинат Косово“, објавена во косовскиот дневен весник Коха.
Подготви: Д. Тахири
