Иран лансираше ракети врз американската воздухопловна база во Катар како одговор на нападите врз неговите нуклеарни централи во саботата, објави Би-би-си.
Катар го потврдува нападот врз американската база Ал Удеид, нарекувајќи го „флагрантно кршење“ и вели дека го задржува правото директно да одговори
Додава дека сите ракети биле пресретнати, додека Пентагон вели дека нема извештаи за жртви во САД
За прв пат во Доха слушнав звук на многу големи експлозии што се случија во последователни серии, јавува Аднан Елбурш, известуваќ за BBC Arabic од Доха.
Неколку ракети беа лансирани од катарската воздушна одбрана, во обид да пресретнат ракети лансирани од Иран кон американската база Ал Удеид, најголемата американска база на Блискиот Исток.
Процесот на лансирање пресретнувачки ракети беше повторен неколку пати, а јас слушнав звук на експлозии, вели дописникот.
Не слушнавме никакви сирени, немаше безбедносни упатства ниту потреба од засолниште. Впечатокот што го имавме беше дека Катар бил информиран за нападот, а тоа беше повеќе како порака до Американците, додава Елбурш.
Според катарските медиуми, најмалку шест ракети паднале врз оваа база, која била евакуирана однапред, соопшти катарското Министерство за надворешни работи.
Министерството соопшти дека тоа е во согласност со безбедносните мерки што биле преземени за да се обезбеди безбедноста на работниците во таа база.
Американската база Ал Удеид се наоѓа југозападно од катарската престолнина, Доха, и вклучува 13.000 американски војници.
Државата Катар остро го осуди она што го опиша како напад започнат од страна на Иранската револуционерна гарда против оваа база. Министерството за надворешни работи потврди дека катарската воздушна одбрана успеала да го одбие она што го опиша како ирански напад.
Во Вашингтон, Доналд Трамп и претставниците на одбраната одржуваат состанок во Ситуациската соба, два дена откако САД започнаа масовни напади врз три нуклеарни објекти во Иран
Ова беше очигледно пресметан и кореографиран одговор од страна на Иран и топката сега е во дворот на претседателот Трамп, пишува Френк Гарднер од Би-би-си.
Ова доаѓа во време кога Израел вели дека го таргетирал Техеран со „невидена сила“, вклучувајќи напади врз „пристапни патишта“ до нуклеарната централа Фордо и затворот Евин.
Д. Мишев
