Најмалку 15 цивили беа убиени, а 26 повредени во руски напади низ Украина во текот на изминатите 24 часа, објавија регионалните власти на 4 септември, пренесува Кијив Индипендент.
Воздухопловните сили на Украина соопштија дека руските сили лансирале 112 беспилотни летала од типот „Шахед“ за напад и мамка во текот на ноќта, а воздушната одбрана пресретнала 84.
Други 28 беспилотни летала погодиле 17 локации, додека остатоците погодиле уште пет, додаде војската.
Најтешко беше погодена Донецката област, каде што 11 цивили – девет од нив во Костјантинивка – беа убиени, а 16 повредени, изјави гувернерот Вадим Филашкин.
Двајца цивили беа убиени, а уште двајца повредени во Херсонската област, каде што беа погодени станбени области и критична инфраструктура, изјави гувернерот Олекссандар Прокудин.
Во Харкивската област, руските напади убија едно лице, а шест беа повредени, додека градот Харкив и 11 населени места беа под оган, изјави гувернерот Олех Синиехубов.
Во областа Днипропетровск, еден маж е убиен, а 49-годишна жена е повредена, според гувернерот Серхиј Лисак.
Руските напади врз областа Сумска повредија една жена, а локалните власти регистрираа 133 напади врз 41 населено место.
Нападите доаѓаат во време кога мировните напори влегуваат во осмиот месец без резултати. Москва ги отфрли повиците за безусловно примирје, ескалирајќи ја употребата на беспилотни летала и ракети против украинската цивилна инфраструктура.
Д. Мишев
