Референдумот во Гевгелија што треба да донесе решение дали Општина Гевгелија ќе дозволи отворање рудници или не, според информациите на мониторниг-тимот на ЦИВИЛ – Центар за слобода, започна со навремено отворање на сите 37 избирачки места.
Досега, според извештаите на набљудувачите, изборниот процес за или против отворањето на рудниците, заклучно со 13:30 часот, поминува во мирна атмосфера.
Од ОИК Гевгелија известуваат дека излезноста до 13:00 часот е околу 40%.
ЦИВИЛ – Центар за слобода со прелиминарен извештај од набљудувањето на Референдумот ќе излезе на прес-конференција, по завршување на гласањето во 19:00 часот.
Според извештаите на набљудувачите, забележани се нерегуларности во Избирачкиот список, во доменот на избирачките одбори, како и недоволна информираност за процедурата при спроведување на Референдумот.
ЦИВИЛ останува отворен за пријавите од граѓанките и граѓаните, како и за прилозите на граѓанските новинари.
Пријавите за нерегуларности може да се поднесуваат на телефонските броеви: 078/746-138 и 077/691-526, а на располагање е и веб-страницата Слободни избори за пријава на изборни нерегуларности.
