Во соопштение за јавноста, опозициската СДСМ реагира по признанието на Тошковски дека нема центри на моќ зад пожарите и бара Мицкоски да одговара за ширење страв и паника.
Панче Тошковски во интервју за „360 сетепени“ призна дека нема осомничени дека одреден центар на моќ влијаел да се подметне пожарот во Трубарево и дека нема странски и домашни центри на моќ кои ја палат Македонија.
Според СДСМ, ова признание на Тошковски e директент демант на изјавите на Мицкоски.
Дополнително, во соопштението се вели дека признанието на Тошковски е потврда дека Христијан Мицкоски ги злоупотребил институциите и безбедносната состојба со цел да ја покрие сопствената неспособност.
Ова е потврда и дека Мицкоски без основа ширел страв и паника во јавноста, велат од СДСМ.
Од Бихаќка сметаат дека по ова признание на Тошковски, Христијан Мицкоски треба да одговара за предизвикување страв и ширење паника во јавноста без да се базираат на било какви факти и докази.
Ваква злоупотреба на безбедносната состојба само за да си го спасува рејтингот ниеден премиер не се осмелил да прави, потенцираат од најголемата опозициска партија.
Оваа влада и овој премиер се опасност по граѓаните, по нивниот живот, по здравјето, но се опасност и по институциите кои ги множат со нула и по државата во целина, стои во соопштението.
Д. Мишев
