Знаеме дека не ви е гајле за меѓународното право и дека сте неспособни да живеете во мир со вашите соседи. Вашиот луд национализам е желба за доминација што нема да стивне сè додека не сфатите дека ерата на империите е завршена и вашата не може да се обнови“, му рече полскиот министер за надворешни работи Радослав Сикорски на рускиот претставник на состанокот на Советот за безбедност на ОН.
„И секој напад со беспилотни летала од страна на хероите на украинските вооружени сили, нека ги благослови Бог, го доближува тој ден, “ дополни Сикорски.
Poland slaps russia in the face. WOW.
We know you don’t care about international law and are incapable of living in peace with your neighbors. Your insane nationalism is a lust for domination that will not abate until you realize that the era of empires is over and yours cannot… pic.twitter.com/rQRZa0Csvk
— Jürgen Nauditt 🇩🇪🇺🇦 (@jurgen_nauditt) September 22, 2025
Зборувајќи на вонредниот состанок на Советот за безбедност на Обединетите нации (СБОН) во понеделник, полскиот министер за надворешни работи Радослав Сикорски рече дека има „само едно барање до руската влада“.
„Никој не ги поддржува вашите обиди да ја освоите Украина и ние нема да бидеме заплашени. Ако друга ракета или друг предмет, намерно или случајно, долета во нашиот простор и биде соборен, а остатоците паднат на територијата на НАТО, не доаѓајте тука да „цимолите“. Предупредени сте,“ додаде Сикорски.
Седницата на СБ на ОН беше свикана откако Естонија во петокот објави дека три руски борбени авиони влегле во нејзиниот воздушен простор без дозвола и останале таму 12 минути.
Д. Мишев
