ЉУБОМИР КОСТОВСКИ
Судијата Ристов кој соѕидал 350 илјади евра во станот на родителите, по урнек на врвните мафиози во Мексико, споменуваат медиумите, никаде го нема. Парите му се земени а се чини дека тие биле единствена цел? Бидејќи судијата во истрагата посебно на судењето може да каже многу непријатни работи. Ги одложуваше судењата против Мијалков, во рамки на крупните предмети и е дел од неговото удобно живеење и после смената на власта во која тој беше „вграден“.
Има дилема. Дали неговата недопирливост е договорена. Човекот добил притисок, си зел боледување пред речиси една недела. Истрагата малку подолго ги барала парите (врвниот доказ дека е поткупуван) – првин во викендичка надвор од градот, па во некој стан во кој не живее и на крајот во станот на родителите. Во меѓувреме пасошот не му е земен, што го прави – подвижен. Судскиот совет вели дека нема барање до нив за одземање на имунитетот, но еве, пред малку, некогашниот претседател на Адвокатската комора Никола Додевски во гостување на ТВ Сител вели дека нема никаков основ за повикување на судски имунитет, бидејќи, во овој случај нема основ за повикување на тој (функционален) основ! Тоа сите правници треба да го знаат.
Додевски ја искористи можноста и го критикуваше изборот на двете кандидатки за членови на Судскиот совет (што се случи неодамна). Тоа се случи по предлог на Гордана Силјановска Давкова. Претседателката чекала на промена на законот за избор на членови, што се случил на 8 јануари, за на 9 јануари да го поднесе предлогот, калкулирајќи пред тоа да го стори тоа според стариот закон. На пример, веројатно мислејќи на Јошевска, рече дека таа останала да биде адвокат кога станала советничка во СЈО – не може да се биде и адвокат и обвинител, тоа е неспоиво, рече.
Текстот е личен став на авторот.
