Во ноќта меѓу 13 и 14 март 2026 година, Русија изврши масовен комбиниран воздушен напад врз Украина, користејќи речиси 500 дронови и ракети. Главни цели на нападот биле енергетската инфраструктура и цивилните области, при што во регионот на Кијив загинаа најмалку четири лица, а 15 се повредени.
Според украинската противвоздушна одбрана, биле детектирани вкупно 498 воздушни цели: 430 ударни дронови, меѓу кои типови Shahed, Gerbera и Italmas и 68 ракети, вклучително две хиперсонични противбродски ракети Zircon, 13 балистички ракети Iskander-M / S-400, 25 крстосувачки ракети Kalibr, 24 крстосувачки ракети Kh-101, четири наведувани ракети Kh-59/69.
Украинските воздухопловни сили соопштија дека успеале да неутрализираат 460 воздушни цели, меѓу кои 58 ракети и 402 дронови.
Особено значајно е што украинската противвоздушна одбрана успеала да постигне 100% пресретнување на ракетите Kh-101 и Kalibr.
Украинската амбасадорка Лариса Дир објави дека секојдневните напади налагаат зголемување на производството на средства за противвоздушна одбрана со партнерите.
„Ноќеска рф го нападна Кијив и област со 68 ракети и 430 дронови. Целта на овие смртоносни удари е човечкиот живот и енергет-ка инфра-ра. Секојдневното ниво на закана треба да го забрза зголемувањето на заедничкото производство на средства за противвоздушна одбрана со партнерите“, напиша амбасадорката на социјалните мрежи.
Ноќеска рф го нападна Кијив и област со 68 ракети и 430 дронови. Целта на овие смртоносни удари е човечкиот живот и енергет-ка инфра-ра. Секојдневното ниво на закана треба да го забрза зголемувањето на заедничкото производство на средства за противвоздушна одбрана со партнерите. pic.twitter.com/lXk1Bqm1Yf
— Larysa Dir (@dir_larysa) March 14, 2026
И покрај високата стапка на пресретнување, удари биле регистрирани на 11 локации низ Украина. Најтешко погоден е регионот на Кијив, особено областите Бровари, Обухив, Вишхород и Буча.
Во нападите загинаа четири лица, а 15 се повредени, при што дел од нив се во критична состојба. Значително се оштетени станбени згради, училишта и магацини.
Рускиот напад предизвика и прекини во снабдувањето со електрична енергија во Кијив и во уште шест украински региони: Харкив, Днипропетровск, Запорижја, Черкаси, Суми и Миколаив.
Украинските власти воведоа итни ротациони исклучувања на струјата, кои започнаа во 8 часот наутро на 14 март.
Во регионот на Харкив, дрон погодил патнички воз, при што се повредени машиновозачот и неговиот помошник. Поради оштетувања на електричната мрежа биле забележани и доцнења на неколку железнички линии.
Во Запорижја, во нападите се повредени четири цивили, меѓу кои и две деца.
Поради обемот на нападот, Полска, членка на НАТО, подигна борбени авиони за заштита на својот воздушен простор. Полските власти соопштија дека не е регистрирано нарушување на полскиот воздушен простор, но дека мерката била преземена како превентивна реакција.
Масовниот напад уште еднаш ја нагласува ескалацијата на руските воздушни операции врз Украина и континуираното таргетирање на критичната инфраструктура и цивилните области.
ЦМ Деск
