Тефик Махмут од Европскиот центар за правата на Ромите од Будимпешта, магистер по меѓународно право на Европскиот универзитет во Скопје и магистер по миграциони движења на Универзитетот на Оксфорд, зборува за ЦИВИЛ Медиа, за положбата на Ромите во Македонија.
Махмут е Ром од Македонија, кој како дете без родители, со стипендија, дипломирал право на Европскиот универзитет, таму и магистрирал меѓународно право, а подоцна магистрирал миграциони движења на Универзитетот на Оксфорд, за ЦИВИЛ Медиа, зборува за состојбата на Ромите и на нивните права и слободи, како и за дискриминацијата, и како граѓански активист од Европскиот центар за правата на Ромите (ECCR) од Будимпешта, но и како успешен млад Ром, кој размислува да се вклучи во политичкиот живот на Македонија.
Според Махмут, во пресрет на локалните избори во Македонија во октомври, може да се каже дека во политичка смисла, во последните 10-15 години положбата на Ромите е статус кво.
„Апатијата и некохезивноста меѓу Ромите е сè уште на многу високо ниво, а за тоа многу добар индикатор се и многубројните политички партии како и многубројните потенцијални кандидати“, вели Махмут.
Текст и камера: Дехран Муратов
Фото: Вулнет Махмути