Министерот за надворешна трговија и економски односи на БиХ, Мирко Шаровиќ потврди дека и официјално земјата е под истрага поради дампинг цени.
Босна и Херцеговина и Бразил се пријавени на Европската Комисија поради тоа што со дампинг цени на силициум го загрозиле пазарот на ЕУ и предизвикале материјална штета на економијата.
Станува збор за руда која се користи во металната индустрија, а е произведена во две фабрики, членки на италијанската „Metalleghe“ групација. Се што ќе произведат, извозуваат на пазарите на ЕУ.
– Во првите десет месеци од годинава извозот во ЕУ е значително зголемен во однос на минатата година и изнесува 28.000 тони во вредност од над 50 милиони евра, истакна Шаровиќ.
извор: МИА
Содржините кои ЦИВИЛ ги презема од други извори не подлежат на лиценцата Creative Commons 1.0, инаку вообичаена за содржините кои ги објавува оваа медиумска платформа. Ве молиме, консултирајте се со изворот за преземање на таквите содржини.
