Во текот на изминатата ноќ, непознати сторители испишале кукасти крстови на споменикот на Крал Марко во центарот на Прилеп. Инспекциските служби при Општина Прилеп го регистрирале овој вандалски чин, а во текот на денот споменикот беше исчистен.
Случајот е пријавен во Полициската станица од општа надлежност – Прилеп, од надлежните служби се очекува да ги откријат сторителите.
Општина Прилеп го осудува ваквиот вандалски чин и упатува апел до граѓаните на Прилеп да ги чуваат спомениците и споменичните обележја во градот, а секој обид за нивно сквернавење да го пријават во Полициската станица.
