ЦИВИЛ – Центар за слобода преку инфо-штанд ќе ги запознае граѓанките и граѓаните на Скопје со проектот „Слободни медиуми за слободно општество“, кај преминот Палета, денеска, 23 јануари, со почеток во 13 часот.
Граѓанки и граѓаните на инфо-штандот можат да се запознаат со проектните активности и да се информираат на лице место како да бидат дел од тимот на ЦИВИЛ, но и како да дадат свој придонес во медиумската продукција со навремено и објективно информирање.
Проектот има за цел на јавноста и на институциите да им се обезбеди динамична размена на информации, ставови и анализи. На овој начин, ЦИВИЛ ќе придонесе и за јакнење на слободата на изразување и на медиумската писменост.
Дел од активностите во проектот се јавни настани и теренски активности за промоција на проектот и за граѓанска едукација за човекови права и слободи, вклучувајќи го и гласачкото право.
Проектот „Слободни медиуми за слободно општество“ е финансиран од Министерството за надворешни работи на Сојузна Република Германија.
