Убиени се вкупно 447 припадници на Курдската работничка партија (ПКК), Партијата за демократски сојуз (ПДС), Силите за заштита на народот (СЗН) и „Исламска држава“, од почетокот на турската воена операција „Маслиново гранче“, во северозападна Сирија, соопшти турската армија, цитирана од весникот „Дејли Сабах“.
Во соопштението се истакнува дека воздухопловните сили на Турција досега при воздушни напади погодиле близу 340 цели, меѓу кои засолништа, магацини со муниција и позиции на терористите од ПКК, ПДС, СЗН и „Исламска држава“. Двајца турски војници загинаа, а 11 беа повредени на осмиот ден од операцијата.
На 20 јануари Турција започна воена операција во реонот на Африн.
Истовремено курдската агенција Ферат истакнува дека бројот на загинатите во турските воздушни напади и артилериски напад врз цивили во реонот на Африн достигнал 86 лица, а околу 200 се повредени, пренесе ТАСС.
Д.М.