Организацијата на Обединетите нации во првите три месеци годинава примила 54 пријави за сексуално злоставување и експлоатација. Тие се однесуваат на целиот систем на ОН, како и на невладини групи што применуваат нејзини програми.
Фархан Хак, заменик портпарола ОН, денеска изјави дека 14 пријави се за однесувањето на припадници на мировните операции, 18 за службеници на агенции, фондови и програмите на ОН, а 21 се однесуваат на вработени во партнерските организации. Една пријава е против припадници на меѓународни сили, кои не се со ОН.
Според него, пријавите се однесуваат на 66 жртви, вклучувајќи и 13 девојчиња помлади од 18 година. Возраста на 16 жртви не позната.
Извор: МИА
