На промоцијата на публикацијата на ЦИВИЛ -Центар за слобода, во преполнетата сала на хотелот „Парк Резиденс“, Н.Е. д-р Кристине Д. Алтхаузер, aмбасадорка на Сојузна Република Германија, одржа воведен говор во кој ја поздрави успешната соработка со ЦИВИЛ и напорите на целиот тим кој беше вклучен во подготовката на обемната публикација.
„Многу сум љубопитна да прочитам повеќе за наодите на ЦИВИЛ за мониторирањето на изборниот процес. Од работата на ЦИВИЛ јасно е дека постои страв и несигурност меѓу гласачите“, истакна амбасадорката Алтхаузер.
„Ви благодарам за вашата покана и за можноста да се обратам во врска со затварањето на проектот кој што беше, исто така, помогнат од страна на германската Влада. Морам да признам дека сум многу љубопитна да чујам малку повеќе за наодите од вашето долгорочно мониторирање на политичкиот процес и на предвремените парламентари избори коишто се одржаа минатиот декември. Целите коишто ги одредивте во оваа проверка, беа многу тешки, знам дека вие моравте да надгледувате избори, да ги проверите извештаите, базирајќи се врз објективност…
ЦИВИЛ, инаку, вети дека ќе даде сосем објективно известување и анализирање на препораките, како и да открие информации во контекст на политичките партии, државните институции и локалните авторитети, медиумите и сите останати кои беа вклучени во процесот. По предвремените избори во 2014 година, кога видовме нефункционирање на изборниот систем, откривме дека се потребни измени. Со овој извештај, не само што успеавте да пренесете пораки за злоупотреба за време на изборите, како и нерегуларности коишто понатаму беа потврдени, туку, пред сé, ни стана јасно дека постои страв и несигурност меѓу гласачите во врска со нивната вклученост во изборите. Со поранешното ограничено знаење за можностите и опциите за гласање, повеќето од политичките партии, и покрај интензивното мониторирање на изборите, беа вклучени во информирање на граѓаните.
Ова е веќе трет проект на ЦИВИЛ кој е потпомогнат од германската Влада, а кој имаше за цел слободни избори за граѓаните на Македонија. Вие веќе помогнавте од различни аспекти на изборните процеси и на јавната свесност за изборите и правата на избирачите. Особено ми се допадна тоа што користевте и други алатки, како Интернет, како би пренеле пораки за вклучување на граѓаните во самиот изборен процес. За мене е особено важно што секое евро коешто е потрошено, беше вредно!
Би се заблагодарила на ЦИВИЛ, за вашата работа и за тоа што сте едно искрено семејство, тоа е една многу убава работа. Вклученоста на граѓаните во општеството развива здрава основа за општеството и за државата. Едно живо општество е повеќе од потребно за една здрава држава. Битно е вие да продолжите да ги поддржувате невладините организации кои работат во име на оние кои што ја даваат моќта на политичарите, во овој случај тоа е македонскиот народ.
Би заклучила со тоа дека Германија е овде како пријател на македонскиот народ, на патот кон интеграцијата во Европската унија и пристапот кон НАТО. Политичката ситуација во Македонија е сé уште тешка, а политичката волја е секогаш еден предуслов за еден политички напредок. Во овој контекст, очекуваме отвореност на политичките партии, како и на претседателот Иванов, за да ги приближи партиите. Од една страна, ви благодарам вам, на ЦИВИЛ, за вашата соработка, и уште еднаш потенцирам дека ќе продолжиме да го помагаме процесот на реформи, коишто ќе ги подобрат демократските услови во државата“, изјави германската амбасадорка.
